جهاز لونــا لتنظيف البشره

(( بسم الله الرحمن الرحيم ))

جهاز لونا " ميني " لتنظيف البشره من فوريو 

للبشره الحساسه  

مرفقات الجهاز :

كتيب تعليمات & شاحن يو اس بي 

مميزات الجهاز :

فرشتها من السيلكون 

ضمان سنتين 

مايحتاج لتغير الفرشاه او استبدالها 

بطاريه عمرها طويل وتصل ل ٤٥٠ استخدام 

وزنها خفييف جداً 

تنظيفها سهل و غير مؤهل لتجمع البكتريا 

مقاوم للماء 

مناسب للسفر 

يوعدك الجهاز بـ :

ينظف بعمق و برفق و يزيل الشوائب من مسام البشره 

يقلل من ظهور التجاعيد 

يحسن من امتصاص منتجات العنايه بالبشره .

الجهاز له وجهين 

هذا الوجه الاول 

و الزر الدائري تضغطين عليه يغير السرعه 

والسرعه درجتين " عاليه ، منخفضه "

و هاذي الجهه الثانيه 

و الفتحه في اسفل الجهاز 

هاذي للشاحن :)

الشاحن يو اس بي 

وتشبكينه ع الاب توب .

اول ماتبشكينه قاعده الجاهز راح تنور و تغمز ب اللون الابيض :) << حلوه تغمز هههههه

و اذا اللمبه جلست مولعه وما غمزت معناته الجاهز انشحن ب الكامل .

طريقه استخدامه :

توزعي الغسول ع كامل وجهك ، وتبللي الجهاز بالمويه 

" تستخدمي الوجه الاول ع وجهك "

تمرري الجهاز ع كامل جبهتك لمده ١٥ ثانيه 

و تمرريه ع كامل خدودك لمده ٣٠ ثانيه 

و على منطقه الانف لمده ٨ ثواني 

تحت العين يستخدم لمده ٨ ثواني و استخدمي السرعه الضعيفه 

ب امكانك تستخدميه مع السيروم او الكريمات 

لانه تساعد ع امتصاصها 

وجدا احب هـ الحركه 

تجربتي مع الجهاز :

جداً مبسوطه عليه و عاجبني وحبييييته ل اكثر من سبب 

بشرتي نوعها " مختلط "

و الجهاز ب امكانك تستخدمينه مرتين ب اليوم بكل امان .

" و بالنسبه لي استخدمه يومياً مره وحده "

* تنظيفه مرره ممتاز وسهل وجميل وينقي 

المسام و بنفس الوقت ماتحسي انك اجهدتي بشرتك بالتنظيف 

* من اول استخدام ينعم البشره 

* مع الاستخدام المستمر يخفف من القشور

* الرؤؤس السودا راح تخف بشكل بسيط وملحوظ 

* ماله اي تئثير ع الحبوب اذا كانت عندك ، بما انه جاتني حبوب بعد الليزر وماشفت انه سوا لي اي شي

غير انه ينشف راسها :(

* يزيل المكياج الباقي ع البشره بعد التنظيف ب مزيل المكياج 

* شاحنه ... وااااو يابنات مررره رهيب يعني تخيلو من اول ما وصلني الجهاز للان شحنته مره وحده بس و استخدمه يومياً 

* تنظيف الجهاز بعد الانتهاء منه سهلللل وهذا كمان اجمل شي 
لانه بصراحه ماعندي وقت زايد عشان استهلك وقت في تنظيف الجهاز بعد 
استخدامي له 
و بصراحه هالشي جدا مهم ولا بيئثر ع بشرتك .


ضروري ترطبي بشرتك بعد الاستخدام 
ب كريم او سيروم مناسب لك .

الجهاز من صيدليه وايتس 

وسعره ٦٠٠ ريال 

انتهى ..