(( السلام عليكم ))
تدوينه اليوم عن منتجات خلصتها ، و ما اخفي عليكم بعضها خلصتها من فتره طوييله ...
بالبدايه .. بعلمكم ع حركه حلوه ، تخليكي تخلصي المنتجات الي قربت تخلص ..
جمعيهم كلهم بعلبه وحده زي الي بالصوره وخليها قدامك ،، راح تخلصيها اول ب اول وتتحمسي اكثر .
* بالانستقرام سئلتوني عن السله الي بالصوره ،، هو خوص ومعاه غطا جداً جميييل واخذته من زارا هوم ع وقت التخفيضات .
نبدأ :)
العطور :
عطري الشخصي شانيل نمبر ٥ .. مررره اعشقه ..
و بالصوره ٣ انواع لشانيل 5
من اليمين :
* بريمر ، هذا مرره مررره مررره يجنن ويختلف عن الكلاسيك بكثير ، وممكن يعجب الاذواق الي ماتحب العطور الكلاسيكيه ، ناعم وللطيف و ريحته بودريه ع زهور .
راح ارجع اشتريه اشتريه ان شاء الله .
* الكلاسيكي ، مايحتاج اتكلم عنه ، لانه الاغلب يعرفوه .
و ما راح ارجع و اشتريه ، لانه عندي المركز .
* الاخير هو ايلاكسير ، زيت سائل يستخدم ع الجسم مباشره ، اعشششق ريحته و احب طريقه استخدامه ، لاني احب العطر نفسه وعندي الكريم بس ما احب استخدمه كثير ع جسمي ، فا مستمتعه وانا استخدم هذا ، احط منه تحت اذني .
راح ارجع واشتريه خاصه وانه سعره مقبول جداً .
* عطر باريسيان من إيف سان لوران ، العطر جداً جممييييل و ريحته منعشه وثاابت وفوحانه جميل ، ممتاز للصيف ، بس من الروائح الاعتياديه والمكرره وانا ملوله بسسسرعه فا عشان كذا ماخلصته مرراا ، بحاول اخلصه هـ الصيف .
النوع الي عندي ماء تواليت .
اذا حابين تعرفو انواع العطور ، ادخلو ع هـالرابط :
* سائل حليبي للجسم بخلاصه الورد المغربي من بودي شوب ، ما ادري اذا موجود الان او لا ، لانه من فتره طويله مخلصته ، يجنن و كان من المنتجات الي احبه من بودي شوب ، ريحته زي ريحه الورد الطائفي و مكوناته حلوه ، يستخدم مباشره ع الجسم ، اذا لقيتوه لايفوتكم .
* من فيكتوريا سيكرت ، بودي لوشن عطري و بودي شاور عطري
ماحبيتهم الاثنين فا عشان كذا ماخلصتهم .
احسهم عطريين اكثر من الازم ع الجسم ، و ك العاده منتجات فيكتوريا سيكرت ماتناسبني و ماراح ارجع اشتري منهم .
منتجات المكياج || و مزيلات المكياج :
من اليمين :
* شانيل إينيميتابل ، اجممممل مسكارا استخدمتها ، يابنات تجننن و رهيبه ، وتعطيكي مظهر نظيف و طبيعي ، توعدك ب كثافه و طول و تقوس الرموش .
يعيبها سعرها الغالي و الي عندي ضد الماء فا تنظيفها مو بسيط ومو بسرعه تنظف الرموش ، و اذا خلصت مسكاراتي راح اشتريه .
* الي بعدها من ايستي لودر ماسكارا ماجنوم سكوب ، تعطي كثافه عاليه للرموش ، متعبه شوي لما تستخدميها .
ما راح ارجع اشتريها ، و راح اجرب غيرها .
من اليمين :
* بي بي من ديور ، تكلمت عنه كثثير و رجعت اشتريت جديد بعد ماهذا خلص :)
، وتكلمت عنه ب هالرابط ..
* الي بعده كونسيلر من ميبلين ، مرره ماناسبني ، و تغليفه الخارجي غير عملي ، يعني الاسفنجه ضروري تعقيمها
بعد كل استخدم ، لانه المكان الرطب عرضه للبكتريا ، و اثناء رابع او خامس استخدم ماعاد يطلع لي كونسيلر فا كسرت الغطا .
و طبعاً ما راح ارجع اشتريه .
* مزيل مكياج للعيون والشفايف من سينسليس ، مايناسب العيون الحساسه ابداً ، ازالته للمكياج من متوسطه ل اكثر ، نصفه مائي و نصفه زيتي .
ما راح ارجع اشتريه ، لقيت الافضل :)
من اليمين :
* مزيل المكياج للعيون والشفاه من جيرلان ، امممم بصراحه اسوء مزيل استخدمته خفييييف جداً مايمسح المكياج الا ب اعاده اكثر من 3 او 4 مرات مع انه المفروض يزيل حتى المسكارا الي ضد الماء ، ومرره ماتوقعته ب هالمستوى لاني اعششق جيرلان ومنتجاتها ماعمري ندمت عليها .
* مزيل مكياج العيون الحساسه من بوبي براون ، يجننننننن ويزيل المكياج من قلب ، و اشتريت العلبه الثانيه .
يعيبه شغله ،، انه ينزل لك السائل كثييير لانه فتحته مرره كبيره ، يارب فهمتو علي .
الاثنين ،، نصفهم مائي ونصفهم زيتي .
و اذا مهتمين اكثر .. هنا طريقتي في ازاله المكياج ، الطريقه سهله و توفر لك المزيل .
من اليمين :
* مزيل المكياج من شانيل " نوعه كريمي " يصلح للعين و للبشره مرره مررره ممتاز يابنات ، ومو بس يزيل المكياج لا منعش للبشره .
راح ارجع اشتريه ان شاء الله .
* الي بعده مو مزيل مكياج ،، لا كريم ومن شانيل ، هايدرا ماكس للبشره شديده الجفاف وللرقبه ، مغذي ومرطب للبشره بشكل ماتتخيلونه ، بشرتي قبل فتره كانت مرررررره جافه ، و اذا استخدمت هالكريم تتحول لبشره طبيعيه متوازنه .
تنبيه : ريحته واااااه يابنات تجننننننننن ، اذا مو ناوين تشترونه اذا شمو ريحته .
ما راح ارجع اشتريه لانه راح اجرب شانيل لي ليفت .
كريمات الجسم واليدين :
من اليمين :
* كريم لينو لليدين ، ترطيبه عاااالي بس ريحتتتته اف ماحبها زبده شيا ع كاكاو غرررريبه مره ، و صح فيه شي مو حلو ... بشره اليدين ماتمتصه بسرعه .
ما راح ارجع اشتريه مبالغ في سعره جداً و ريحته مشكله .
* الي بعد كريم لليدين من لا روش بوزيه ، يرطب ويحمي البشره ، و عجييييب هالكريم ، ترطيبه عالي وحلو اذا تعاني من جفاف شديد ، قوامه زي الفازلين بس مو زيتي وتحسيه بارد ، ماعرف كيف اوصفه لكم بس مثلا فازلين لما تدهنيه تحسي بحراره ، اما هذا تحسي ببروده عجيبه ، مناسب اذا عندك اكزيميا .
راح ارجع اشتريه و ياليت يكبرو حجمه لانه صغير .
* مرطبات للجسم من جرجنز ، الي من اليمين لتفتيح البشره وللحمايه من اشعه الشمس ، ماشفت شي من ناحيه التفتيح بس الجسم يمتصه بسرعه وريحته للطيفه وجميله وترطيبه من متوسط ل اقل .
الثاني بالصبار ، مرطب ومهدئ للبشره ، ترطيبه جداً حلو و ريحته وسط .
من الكريمات الي ترطيبها حلو واسعارها مناسبه للكل ..
ما راح ارجع و اشتريهم بس اذا رجعت واشتريت شي من جرجنز راح اخذ النوع العادي .
من اليمين :
* للوشن سيتافيل طبي للجسم و تكلمت عنه هنا
ما راح ارجع اشتريه :( .
* الي بعده كريم جونسون للجسم ، جددددداً جميييل هالكريم واكيد اغلبكم مجربه ، ترطيبه ممتاز و ريحته طبيعيه والشره تمتصه بسرعه
و راح ارجع و اشتريه .
اخر منتج :
* مقشر الوجه من اڤين نوعه طبي ويصلح لجميع البشرات ومنها البشره الحساسه ، مرره جمييل وتقشيره ممتاز ، و اكيد راح ارجع و اشتريه .
انتهى ....
ليست هناك تعليقات:
إرسال تعليق