(( بسم الله الرحمن الرحيم ))
حبيت في هالتدوينه اشارككم ترتيبي لتسريحتي ومكياجي
هنا بالصوره ،، توضيح ل تسريحتي بشكل كامل
وشي ضروري يابنات بالنسبه لي عشان تسريحتك تكون فخمه وجميله
لازم تستخدمي مفرش ع سطح التسريحه ،، اذا مافي مفرش احس التسريحه عريانه ههههه
راح ابدأ بالعطور
شي ضروري تستخدمي صينيه تحطي عليها العطور
بالنسبه لي
الصينيه الي بالصوره اخذتها من الدانوب قسم الفضيات
حطيت عليها العطور الي استخدمها يوميا ،، واغير العطور الي عليها بين فتره وفتره واستبدلها
بعطور ثانيه .
نصيحتي لكم
الصينيه لاتكون حوافها مرتفعه ،، لانه راح تقلل من جمال العطور .
ولاتكون من الفضه الا اذا انتي مستعده انه تنظيفها اول ب اول ،، لانه بدون تنظيف يتراكم عليها سواد
مزعج ويقلل من لمعانها .
العطور الميني او البارفيوم
حطيهم في صحن صغير مناسب .. ولاتحطيهم مع العطور الي حجمها كبير
الصحن الي بالصوره من دبنهامز .
ماشاء الله تسريحتي كبيره فا متوفر لي جزء كبير فاضي
حبيت انه احط لمسه شخصيه
تحفه صغيره و كريمي المعطر المفضل و برواز في صور شخصيه او المفضله عندك .
مرره حلو تنسقي تحف ع ذوقك ،، راح تعجبك هـ الحركه و في الروحه والجيه بس تطالعين فيها
وتحسين بسعااده :)
البرواز من باتشي و الصحن الطويل ڤينتج من بريطانيا جاني هديه
التحفه الي عليها بنت من لايف ستايل بس اشتريتها من زممان .
نجي ل اجمل جزء وهو مكياجي
اذا تتذكرون اول ،، مكياجي كان في مقسم شفاف .
حبيت اغير لانه الفكره مستهلكه كثير ،، و مظهر المكياج ع التسريحه مزعج لي ،
لانه ضروري يكون مرتب .
فا اخذت هـ المقسم ،، فيه ١٠ ادراج
حجمها حلو وصغير .
الادراج هاذي دورتها في سنتربيونت وساكو
و دايم مخلصه
بالاخير لقيتيها ب محل اسمه اعتقد دنيا الاسعار
وسعره ١٨٠ ريال
وسعره ١٨٠ ريال
في البدايه ماتقبلت شكله لانه للون الحديد مزززعج
فا غيرت من شكله وحطيت لمستي
لفيت الحديد بشريط دانتيل
و حطيت مفرش بلاستيك ع سطحه .
تدرون اصعب ترتيب مر علي هو الارواج :(
بجد مره تعبت
وكمان تعبت في مقسمات الارواج ماكنت القا حجم مناسب لانه بالعاده احجامها صغيره ،، عاد بالاخير الحمدلله فرجت
ولقيت هالمقسم في ساكو
حجمه مررره كبييييييييره وحطيت فيه كل ارواجي والجلوسات .
هذا الشي الجميل ل اعواد الاذاني
مررره روعه ،، تضغطين ع الدائره البيضه و يطلع فوق
وتطلع لك الاعواد
اشتريته من سوبر ماركت بن داوود بمكه
مررره معجبه فيه هههههه
كذا ترتيبي ل سطح الادراج
البيوتي بلاندر ، حطيتها في وعاء ، و اغطيه ما اخليه مكشوف
عشان لايتجمع عليه الغبار
وطبعاً اذا كانت ناشفه مو رطبه .
و بالعاده اذا البيوتي بلاندر مستخدمه ، ما احطها مع اخواتها ، عشان لا تجيهم بكتريا او شي من كذا :)
الادراج من داخل
اول درج فيه فرش الميك اب
رتبتها في مقسم لملاعق المطبخ
وكل الفرش نظيفه ما احط معاها اي شي مستخدم .
الفرش المستخدمه احطها هنا
لين انظفها و ترجع بالدرج .
هالمقسم اخذته من سوبر ماركت مانويل في جده ، من قسم المطبخ
وهو بالاساس للملاعق :)
اتذكر السنه الي فاتت نزلت صورته بالانستقرام وانهبلتو ع شكله :) :)
في هالدرج رتبت منتجات العين من اقلام وماسكارا و منتجات للحواجب .
المقسمات اخذتها من ساكو
مررررررره جمييييييله .
تنباع بالحبه و اسعارها تختلف ع حسب الحجم .
في هالدرج رتبت الشادوهات المفرده و البلاشرات
في مقسم لملاعق المطبخ
نفس الي حطيت فيه فرش الميك اب
مرريح و يوفر لك مكان افضل من انه لو كانو لحالهم .
باقي المنتجات مريحه في الترتيب
وما احتاجت ل اي مقسم
عشان كذا ما صورتها لكم
بالاخير
حطيت الدرج بجنب التسريحه وشكله مو واضح
مع انه ماشاء الله حجمه مو بسيط .
جداً مرييييييحه الادراج و انصحكم فيه .
انتهى ...
ليست هناك تعليقات:
إرسال تعليق