(( بسم الله الرحمن الرحيم ))
CHANEL
LE LIFT CREME FINE
كريم لشد البشره و مكافحه التجاعيد
نتائج بحث دام 12 سنه
بالبدايه الكريم يتوفر منه 3 انواع :
1/ LE LIFT CREME RICHE
تركيبه غنيه و مخمليه تداعب البشره برقه ولطف .
2/ LE LIFT CREME
تركيبه كريميه ناعمه واكثر كثافه تذوب داخل البشره وتولد شعوراً لايوصف بالراحه والنعومه .
3/ LE LIFT CREME FINE
كريم منعش خفيف و هوائي تمتصه البشره ع الفور ليذوب بانسياب بداخلها .
جميعهم يجتمع فيهم :
شد للبشره عالي الاداء ، سرعه امتصاص البشره للكريم ، يحتوي ع مكونات نقيه و فائقه القوه ، ينحت البشره ويدعم مرونتها ، ممزوج بخلاصه نباتيه من نبات الادوليس لتعزيز بروتين البشره ، يترك محيط البشره اكثر ليونه .
النوع الي عندي هو رقم 3
الكريم اول مااستخدمته بشرتي تعبببانه مرره من الليزر وفيها حبوب ، استخدمته والحمدلله ماتحسست منها بشرتي ولا طلعت لي بثور ، وتقريباً استخدمه من شهر .
من اول مره استخدمت الكريم لاحظت البشره بسسسسرعه تمتصه ماشاء الله ، يعطي نعومه غير طبيعيه و اول مره احس فيها ، مع اني دايم لي تجارب مع انواع كثيره من الكريمات بس هالشي اول مره احسه مع كريم لو ليفت .
من ناحيه شد التجاعيد ، الحمدلله ماعندي اضرار الا اذا ابتسمت احس يبين خط خفيف حول الفم ، احس فيه تحسن بسيييييط جداً .
و ع العموم الكريم اشتريته عشان يرمم لي بشرتي الداخليه ، لانه المفروض من سن 25 وما فوق تبدئي تستخدمي كريمات مضاده للتجاعيد ، قبل تكون التجاعيد او ظهورها ع البشره .
فا انتي اذا استخدمتي كريم مضاد للتجاعيد من سن مبكر راح تتأخر التجاعيد في ظهورها .
و ع فكره عموماً بالخليج ، بسبب اشعه الشمس و العوامل المناخيه تظهر لنا التجاعيد من سن مبكر جدااً
اجوائنا جااافه جداً و غير رطبه .
طريقه استخدامه :
يستخدم بالصباح و ب الليل .
توزعينه ع كامل بشرتك و رقبتك و تمسحينه بسرعه ، وتتجنبي توزعيه حول العين .
و يجي مع الكريم ملعقه صغيييره ، تاخذي فيه الكريم ، و ضروري بعد كل انتهاء منها تعقميها .
بالنسبه لي استخدمه اول ما اصحى من النوم ، و اذا ماحطيته بالصبح
احطه قبل المكياج اليومي .
و بالليل قبل النوووم استخدمه .
ريحته للطيف وناعمه كـ عاده مستحضرات العنايه من شانيل .
الكريم اخذته من سيفورا
و سعره حول ال 500 ريال
يستاهل ارجع اشتريه ثاني ...؟
اي يستاهل ، و راح ارجع واشتريه .
انتهى ...
