نعومي الخليج

((بسم الله الرحمن الرحيم ))

قبل اكثر من سنه وصلني من محل نعومي الخليج هديه عباره عن ميك اب .. الخ 

و البوست موجود بالانستقرام 

محل نعومي الخليج رجعو اتواصلو معاي برمضان الي فات و حبو انه يوصلو لي هديه 

بس قبل يوصلون لي الهديه 

تكلمنا عن المنتجات التقليد الي تعرض وتباع ع اساس انها اصليه زي مو ساير في طيبه 

عرفت منهم انه منتجاتهم المعروضه اصليه و طلبت منهم اشوف اوراق شحناتهم و المواقع الي يطلبون منها فا ارسلو لي اوراق الشحنات تشمل طلباتهم و المواقع الي يطلبون منها ..

سئلتهم عن تكيف المحل ،، وعرفت منهم انه يشتغل ع طول عشان الميك اب .. الخ 

المهم قبل كم يوم رحت لـ محلهم الي موجود في طيبه 

وشيكت ع كل منتجاتهم زي ذا بالم ونارس وماك و نكس و انستازيا و كولر بوب .. وفيه غيره 

و كلهم اصليه ..

شفت عندهم اسفجنه ريل تكنيك التقليد و الاصلي ،،، الي يشتغل بالمحل 

علمني ع طول اي وحده فيهم الاصلي و التقليد ... ما قال كلهم اصلي زي بعض الناس هههه 

المهم عجبني المحل و اشتريت لي انا كم غرض 

بيضه المسام .. تجي فيها حبتين الي للونها ابيض تستخدم في النهار و البنيه في الليل 

اليوم لي يومين استخدمها .

تنظف الوجه من قلب مرررره و ماتصلح للبشره الجافه او الي تميل للجافه .

النتايج اكيد ما راح تبين بدري .

سعرها اعتقد يا ٧٠ ريال او ٦٠ ريال 

جل انستازيا للحواجب 

اخذت اغمق درجه موجوده ،، استخدمته مرتين ،، و حسيت انه مايصلح لي بما انه حواجبي كثيفه .

بس حبيت ثباته ،، وناويه اجرب القلم من نفس البراند .

سعره ١٢٠ ريال 

الكونتور الكريمي من انستازيا 

كان متوفر عندهم كل الدرجات ،، و اخذت افتح شي 

بس لما رجعت للبيت حسيت اني ماتوفقت في الدرجه :( تمنيت لو ماخذه الاغمق بدرجه .

سعره ٢٠٠ وشي 

الصور القادمه هي منتجات وصلتني منهم هديه برمضان 

بخاخ ماك فكس برائحه الافندر 

طبعاً هو نفس العادي بس الرائحه تختلف ،،، و الي وصلني ب الافندر 

حبيت الريحه طبعاً لانه اكره ريحه العادي :( 

كوركتر من نكس 

تدرون حبيته اكثر من حق ماك .... هاذا للونه البرتقالي خفيف مو زي حق ماك 

وتطبيقه اسهل من حق ماك ،،، خاصه انه حق ماك يلمع و هذا مافيه لمعه .

للوس باودر لورا مرسييه 

من قبل ماكنت متحمسه لها و لا كنت ناويه اشتريها ،، بس اول ماجربته اقول لنفسي 

كيف كنت عايشه من دونها ههههههه 

حبيتها لتثبيت الكونسيلر و الحلو فيها انها من دون للون .

من ايلف بودره سائبه مالها للون فيها قليتر 

ماجربتها للان تمام .

كمان منتج من ايلف 

ماجربته للان :( الي جربته تخبرني عنه .

من نكس سوفت مات ليب كريم 

حبيت تدرجات الالوان فيه 

و اكثر درجه حبيتها هي مونت كارلو :) 

رموش بتدرجات كثيره 

بس ماجربت منها شي للان ،، و اذا جربت راح اعطيكم ارقام الي حبتيها .

كونتور باودري من انستازيا 

يهببببببل :( و حبيته خاصه انه ثباته عالي .. بس توزيعه مو سهل شوي .

باليت ذا بالم نيود 

اعشششششق هـ الباليت مررره ، طبعاً هو الوانه حقت مناسبات و سهرات 

الالوان واضحه و ثابته .. و فيه للون سكسي اعشششششقه :( للونه عودي مات .

محل نعومي الخليج له اكثر من فرع بالرياض 

و هذا رابط حسابهم بـ الانستقرام 

نعومي الخليج

^

^

انتهى ... 

زيت اللوز من لوكستيان

(( بسم الله الرحمن الرحيم ))

Almond Supple Skin Oil

زيت اللوز 

الوصف من موقع لوكستيان 

يكافح زيت الجسم هذا بفعاليّة ارتخاء البشرة والبشرة الجافّة. يضمّ زيت البشرة المرنة 3 زيوت معطّرة هي النّعناع والبلماروزا ، وهي تصلح نسيج البشرة وتحميه وتكافح الترهّل وخسارة المرونة. وبفضل تركيزه بزيت اللّوز، يصلح الحاجز المائي- الدّهني ويغذّي البشرة .

وبفضل هذا الزّيت، تكون البشرة متماسكة ومرتاحة وتستعيد مرونتها ونضارتها وتصبح ناعمة طريّة كالحرير يلفّها أريج خفيف نضر. زيت اللّوز للبشرة المرنة مثاليّ لمنع تكوّن الخطوط التوسعيّة .

زيت اللوز من لوكستيان ،، استخدمه من ٤ سنين 

وكل سنه حبي له يزيد

خاصه الفتره الاخيره لانه تغير البخاخ حقه 

بدل الحديد سار بلاستك .

فا سار اسهل في البخ اكثر من اول :)

بالبدايه بابنات مجموعه اللوز بشكل عام مرره تجنننننن وتستاهل التجربه ،، خاصه كريم اليدين و زيت الاستحمام .

الزيت اول ماتبخيه ريحته واضحه وحلوه مره ومختلفه عن باقي زيوت اللوز 

اختلاف كبييرر

من ناحيه القوام والريحه .

الزيت مايعطي لمعه زايده للجسم ولا يدبق ع الجسم .. وبسرعه تمتصه البشره في خلال ١٥ دقيقه 

ويترك ترطيب عاالي ،، يغنيكي عن استخدام الكريمات .

من طرق استخدامي له ..

١/ بعد الاستحمام وجسمي مبلول مويه ع كامل الجسم 

 هـ الطريقه تعطي نعومه للجسم خييياليه .

٢/ مره يومياً او ٣ مرات بـ الاسبوع 

ادهن فيه بطني و فخوذي و سيقاني كامله و ايدي .

بشكل عام ادهني فيه اي منطقه معرضه للجفاف .

انصح الكل يستخدمونه اثناء الرجيم عشان تتجنبو ظهور خطوط التمدد .

يعيب المنتج شي واحد

وهو سعره :( 

٢٢٩ ريال لـ ١٠٠ مل 

من لوكستيان حياه مول بالرياض 
وله فروع في جده والدمام ومكه 

انتهى ...

تقيمي لـ فرش زويڤا

(( بسم الله الرحمن الرحيم ))

فرش زويڤا من الفرش الي اشتهرت مؤخراً رغم انه لها فتره طويله تنتج هـ الفرش.

الماركه المانيه 

و اكثر مايميزها هو سعر الفرش ،، جداً ممتاز السعر مقابل جوده المنتج .

المجموعه الي جربتها هي ..

rose golden luxury set 

المجوعه فيها ٨ فرش 

٤ فرش للوجه 

٣ للعيون 

١ للكونسيلر 

وتجي معاها شنطه جلد حجمها كبير و شكلها مميز .

الفرش ماطاح منها ولا شعره ماشاء الله ماعدا فرشه وحده راح اذكر اسمها اسفل 

تنظيفها سهل و اثناء التنظيف كمان ماطاح منها شعر 

جودتها واضح لي انها ٩٥٪ 

٥٪ راحت لانه اتمخشت بسرعه :( من جهه الحديد .
شعرها ناعم نعومه حلوه ماتقلل من جودتها .

١/ فرش العيون بشكل عام ممتازه يابنات و تجنننننن 

ارقامهم ٢٢٧ || ٣١٧ || ٢١٣ 

انشاء الله ناويه اخذ المجموعه الورديه للعيون ،،

الفرش مو شامله للعيون ،، فرشه الايلانر رقمها ٣١٧ انا ما استخدم جل ايلانر ،، فا تحمست اول ماشفتها انه ممكن تكون للحواجب بس زعلت :( لانه شعرها طويل وانا ماحب الشعر الطويل للحواجب ،، بس مع الاستخدام اكتشفت انها حلوه وترسم وتحدد زي ما انا ابغى .

٢/ فرشه الكونسيلر الي هي رقمها ١٤٢

 ،، ما استخدمتها للكونسيلر ،، حبيتها اكثر شي لتحديد كونتور الانف 

حجمها مناسب و تدمج بدون تحديد واضح لانها منفوشه شوي .

٣/ مجموعه فرش الوجه 

ارقامهم ١٢٧ || ١٠٦ || ١٠٢ || ١١٠

فرش الوجه اختيارها مميز وتصلح للسفر 

بس فيه فرشه ماحبيتها و هي الي شعرها يطيح و جودتها شوي رديئه نوعاً ما ومختلفه عن الباقي وهي الفرشه رقم 

١٢٧ مع الغسيل نفشت مره و هي الوحيده الي بعد الغسيل مظهرها اتغير ممكن بنسبه ١٠ ٪ 

الفرش من متجر 

store.maram.makeup

الله يعطيها الف عاافيه :)

انتهى ...