ظل العيون " ضد الماء " من ميك اب فور ايفر

(( بسم الله الرحمن الرحيم ))

MAKE UP FOR EVER 

AQUA MATIC 

منتج جديد من ميك اب فور ايفر عن ظل للعيون على هيئه قلم سهل الاستخدام

 انتج هـ الصيف و يميزه انه ضد الماء 

و بـ امكانك تحطين منه وتسبحين بالمسبح وتعيشي اجواء الصيف :)

يتوفر منه ١٠ اللوان .. ومتوفر منها كم للون بيقمنت .

الالوان الي متوفر عندي 

هي ...

هذا اللون .. للونه وردي و فيه قليتر 

رقمه ME-54 

و هذا اللون الثاني .. للونه نيلي مات 

رقمه I-22

رأي عن المنتج و طريقه استخدمي له 

المنتج انسيابي ومايتلطخ ابداً لانه مو كريمي مره و سهل سهل الاستخدام 

في البدايه خفت من اللون النيلي ومن استخدمه بس اول ماتجرئت واستخدمتها مرره عجبني 

..

نجي لسالفه ضد الماء 

المنتج ضد الماء 100 ٪ و مايتحرك ابداً من الماء ولا يتئثر
الا اذا لعبتي فيه ب اصباعك و حاولتي تزيلينه .

 الجميل يا بنات والي لفت انتباهي 

انه المنتج صحيح ضد الماء بس مو ثقيل طينه في الازاله بمزيلات المكياج 

ومايحتاج له فرك او كميه كبيره من سائل ازاله المكياج او منتج خاص لـ ازالته .

ازالته حلوه وماتتعبك ابداً .

طريقه استخدامي ..

اللون الوردي .. استخدمه وسط الجفن الثابت .. وارسم بـ القلم في وسط الجفن و بعدين اطبطب اطرافه ب اصباعي 

عشان اللون يتناسق اكثر و حدوده ماتوضح و تكون عشوائيه .

و استخدمه كمان ع مدمع العين ، يعطي مظهر جذاب .

اللون النيلي .. استخدمه كـ ايلانر لانه ماحب هـ الالوان كـ شادو ع الجفن ،، جددد يابنات عجبني لانه مو سائل فا ترسمينه بسرعه ومايخرب عليك او يسيل زي الاينر السائل الي متعودين عليه .

كمان بـ امكانك تستخدمي القلم كـ بيس او كـ قاعده قبل الايشادو و الرسم ، لانه راح يثبت لك للون الايشادو اكثر و يخلي 

للونه اكثر وضوح .

كميه المنتج كامله شوفوها في الصوره فوق وهي 1.4 جرام 

اسفل القلم فيه برايه عشان تبري المنتج و يكون راسه مدبب :) 

المنتج حصري فقط عند سيفورا .. وكثير بنات يدورون عنه في بوتيكات ميك اب فور ايفر 

و ع بالهم انه مانزل عندنا للان 

بس بـ الاصل هو حصري لسيفورا .

سعره 75 ريال 

و يستاهل بجدددد 5 من 5 

انتهى ..

عطور صحارى الشرق من جيرلان

(( بسم الله الرحمن الرحيم ))

تدوينه اليوم ... كان نفسي انزلها من زمان و اتكلم عن اجمل عطر فخم جربته بس انشغلت جداً

و تدوينات العطور و وصفها و يحتاج مني وقت وصفاء ذهني ..

عام ٢٠١٢ اصدرت دار جيرلان الغنيه عن التعريف عطور شرقيه مميزه .. عباره عن ثلاث روائح مميزه جميييله جداً 

وتناسب جميع الاذواق ..

قبل اتكلم عن العطر الي موجود عندي راح اعرفكم عن كامل المجموعه 

و على فكره الثلاث العطور روائحها غير مزعجه او كريهه مثل 

بعض روائح العود .. ومناسبه لكل الاعمار .

المجموعه الثلاثيه راح تخليك واقفه قدامهم في حيره 

من الجمال 

ما اخبي عليهم جلست اكثر من ٣ شهور وانا محتاره

اي واحد فيهم اشتريه :( 

عطر “روز ناكريه دو ديزير” ROSE NACRÉE DU DÉSERT

شذا خشبيّ وزهريّ

تمنح الخلاصة المتميّزة لهذا العطر لمسة رقيقة وذكيّة للتركيبة التي يمتزج فيها شذا خشب العود مع الدرجات الكهرمانية والدخانية. ويتناثر عبق الزعفران والدرجات الحلوة والمتبّلة الأخرى على هذا الصدى العطريّ الحميم.

عطر “إنسان ميتيك دوريان” ENCENS MYTHIQUE D’ORIENT

المسك الشرقي

يترك بخور أثيريّ علامة عابرة على هذا العطر. وتطبع الوردة هذه المجموعة من الدرجات العطرية ببصماتها ، وسط رائحة معدّلة من موادّ الألدهيد الكحولية التي تثير العطر. ويكشف الطابع الفعليّ للعطر درجات خشبية تشمل عشبة البتشول. غير أنّ رائحته الحلوة وعمقه الاستثنائي يأتيان من عنبر نيوزيلاندا الأصيل والمختار خصّيصاً لهذا العطر. كذلك، ترافقه نسمات من زهر شجر البرتقال .

عطر “سونج دان بوا ديتيه” SONGE D’UN BOIS D’ÉTÉ

جلد

يشكّل هذا العطر الخلاصة المثالية للتوابل والأخشاب وموادّها الصمغية. وتأتي هبّة جلدية ممسوحة بالدرجات الزهرية الواضحة لتمنحه طابعه الذكوريّ .

عطري المفضل من المجموعه هو 

ENCENS MYTHIQUE D’ORIENT

مكونات العطر موجوده فوق ومكوناته 

بس بزيد عليه وصفي للعطر .. 

العطر اول ماتبخي ريحته راح تشمي لمحه بسيطه من الزعفران و ريحه لطيفه من الورد 

بعد ١٠ دقايق تقريباً راح توضح ريحه العنبر و المسك و الريحه مرره جميييييله و واضحه 

خاتمه العطر وهي اجمل شي و الي اشوفها جداً ممييزه وهي الي خلتني احب هـ العطر 

هي ريحه اللبان او بمسى ثاني ريحه المستكه واااه بس جداً جمييله ومميزه و فواحه .

العطر فخم و بقوه ،، ثباته جداً جداً عااااالي ،، يعني يثبت لمده اسبوع ،، متخيلين اسبوع كاااامل 

تجلس و لاتتغير .

الكل راح يسئلك عنه لانه ريحته غير اعتياديه و مميزه 

وجميله .

يصلح مسائي ،، و للعزائم و للزواجات 

و العيد قادم ان شاء الله ،، يصلح له جداً ..

العطر كـ عاده عطور جيرلان يجي في علبه مميزه و مغلفه ،، و يصلح كـ هديه .

متوفر في باريس غاليري و هارفي نيكلز و بعض فروع وجوه .

سعره ٩٠٠ ريال لـ ١٠٠ مل 

انتهى ...

تجربتي مع كريم سوسكن للعيون

(( بسم الله الرحمن الرحيم ))

اليوم بتكلم عن منتج جمييييل للعيون 

SOSKIN 

filler contour des yeux 

A+

WRINKLES & DARK CIRCLES & EYE BAG 

الكريم هذا سالفته سالفه :) ،، اشتريته من الصيدليه و وقتها قولت للصيدلي ابغا كريم لهالات العيون و للخطوط ،، و لتحت عمر الـ 30 

اعطاني هالكريم و ع طول اخذته لانه و راي سفره ،، بعد ماسافرت و وصلت انتبه للكريم من ورا مكتوب A+ و دليل انه لـ اعمار فوق الـ 30 سنه :(

اخذته للصيدليه و سئلته يسير استخدمه وعمري تحت الـ 30 ولا ..؟ قالي عادي تقدري تستخدميه والعمر الموجود بالكرتون تقديري ، بس ابدد ما اقتنعت .

رحت لصيدليه ثانيه وسئلتهم وقالو لي نفس الكلام .

توكلت على الله و استخدمته :) 

و بجددد مره فرحانه اني استخدمته .. لي تجارب كثيره مع كريمات العيون ومرره ماتعجبني يا انه سعرها مرتفع جدداً او

ماتسوي شي ابداً .

و متابعاتي دايم يسئلوني عن كريم مفيد للهالات بس ماعندي اجابه ،، الا لكريمات الترطيب فقط .

الكريم يستخدم لمحيط العين ..

و يوعدك بـ انه يزيل الخطوط الدقيقه و يعزز الكولاجين و يزيل الهالات و الانتفاخات و يجدد المنطقه و يخلي مظهرها اكثر صحه .

بالنسبه لي كنت اعاني من الهالات لانه مرره اسهر كثير و يمر علي اكثر من 3 ايام ب الاسبوع ما انام نوم كافي ، كنت

اعاني من خطوط اذا ابتسمت خفيفه :( اول ما لاحظتها بغيت انجننننن لانه مهتمه بالمنطقه مررره وما توقعت تطلع لي في 

عمر مبكر ، بس الارهاق و السهر يعدم العين .

المهم ...

استخدمت الكريم مرتين باليوم .. بالصبح و المساء

  كل يوم قبل النوم و اذا حطيت مكياج كمان استخدمه " وهو معمتد للاستخدام قبل المكياج "

و انا لي اكثر من شهر استخدمه يومياً ،، و لاحظت الفرق اول شي في الخطوط اذا ابتسمت ما عاد انها واضحه زي قبل 

بالمرايه المكبره .

ثاني شي قبل اسبوعين تقريباً بديت اشوف الهالات خفت بشكل واضح ماشاء الله .

المنطقه بشكل عام تغيرت و باين انها اكثر صحه ،، جداً سعيده بالنتيجه :)

الحمدلله الكريم اوفى بوعده 

الخطوط و الهالات خفت بشكل واضح جداً .

ماله ريحه ابداً .

انصحكم في الكريم 

الي عمرها فوق الـ 30 استخدميه وانتي مغمضه 

الي تحت الـ 30 نفس حالتي تسئل قبل الصيدلي ،، بالنسبه لي سئلت بالسعوديه والامارات و كلهم قالو لي انه عادي .

انتبهو الكريم درجات 

هذا الي تكلمت عنه هو +A

سعر الكريم اعتقد لانه ناسيه بـ 270 ريال لـ 15 مل من صيدليه ادمه .

انتهى ...