(( بسم الله الرحمن الرحيم ))
تدوينه اليوم عن طريقه وضع الكونسيلر ،، بما انه كثير منكم يسئلوني عن طريقتي
بالبدايه وقبل كل شي
ادخلي ع تدوينتي هاذي و طبقي الي فيها من بدري :)
👇🏻👇🏻
.....
بالبدايه راح اوضح على الـ face chaet
طريقه توزيع الكوريكتر و الكونسيلر
بالترتيب
١/ كوريكتر .
٢/ كونسيلر .
اول خطوه قبل الكوريكتر و الكونسيلر تستخدمي كريم مرطب مناسب لمنطقه العيون .
الكوريكتر .. ايش هو ..؟
مصصح للون ،، للونه برتقالي ،، قوامه كريمي ثقيل ،، يستخدم قبل الكونسيلر اذا كنتي تعاني
من الهالات الغامقه او تغير للون الكونسيلر الى اللون الرمادي .
يعطي تغطيه مثاليه جداً ،، يوحد للون الهالات مع بشرتك .
افضل كوركتر استخدمه من ماك
mac pure orange studio finish skin corrector
تقدري توزعينه ع اي منطقه للونها غامق في بشرتك ومنها مثل ما ذكرنا
تحت العين للهالات .
بعض البنات يعانون من اسمرار في زوايا الانف و حول الفم
تقدرين هنا تستخدمين الكوريكتر
عشان يكون الاساس مظهره مثالي .
طبقت لكم رسم للونه برتقالي في الفيس شارت
على الاماكن الي ممكن تحطين فيها كوريكتر .
طريقه الاستخدام
اخذ كميه قليله مره من الكوريكتر ب اصبعي و استخدمه ع المنطقه الي ابغاها
بـ طبطبه وبدون مسح .
ولتحت العين مثلاً لاتوزعينه فقط ع اسمرار الهالات ،، لا اخرجي حول الهالات .
اذا كثرتي من المنتج ما راح تستفيدي منه و راح تكرري التجربه .
صح يابنات انا ماحب استخدم ايدي في توزيع الميك اب ،، بس الكوركتر اكتشفت
انه افضل طريقه لتوزيعه بدال فرشه الكونسيلر او غيرها هو الاصبع .
بعض البنات يستخدمو روج للونه برتقالي ،، و للاسف هاذي اكبر
جريمه ترتكبينها في حق بشرتك وخاصه منطقه العين .
لانه منطقه الشفايف غير عن منطقه العيون ، تركيبه الروج ثقيله و مركباتها غير ملائمه لـ اي منطقه
ثانيه .
الكوركيتر مايستخدم كل يوم لانه قوامه ثقيل وممكن يضر المنطقه .
* الكوريكتر ضروري جداً لـ اطلاله و مظهر مثالي .
الكونسيلر
خافي عيوب ،، قوامه يختلف من منتج لـ آخر ،، أفضل انه يكون للونه نفس للون بشرتك ..
لا اغمق و لا افتح .
تغطيته تختلف من منتج لـ آخر .
سبق وتكلمت عن الكونسيلرات الي استخدمها
وتقدرين تشوفين التدوينه اذا ضغطتي ع كلمه كونسيلر
👇🏻👇🏻
❤️ كونسيلر ❤️
طريقه توزيع الكونسيلر موضحه فوق في الفيس شارت و بـ اللون الاحمر .
اذا استخدمتي الكونسيلر حول الشفايف زي مو موضح
راح تستفيدي من شغلتين حلوه
اذا عندك اسمرار حول الشفايف راح يخففه ،، و الشي الثاني راح يجمل من مظهر شفايفك و راح تبرز اكثر .
يستخدم لكل منطقه حسب حاجتك
يعني اذا ماعندك اسمرار حول الانف لاتستخدمينه .
طريقتي في توزيع الكونسيلر :
١/ بعد ما وزعت الكونسيلر ،، استخدم بيوتي بلاندر مبلوله وناشفه من اي مويه زايده و اطبطب ع الكونسيلر
الين اتأكد انه توزع تماماً ، والزايد امتصته اسفنجه البيوتي بلاندر .
٢/ اهم نقطه بالنسبه لي واعتبرها سر من اسرار استخدامي للكونسيلر ، بعد ما تنتهي من الطريقه الي فوق
استخدم منديل فوق الكونسيلر و اطبطب ع المنطقه بدون ضغط
الحركه مررره حلوه وتمنع المنطقه انها تخطط وتمتص الزايد من الكونسيلر .
٣/ اوزع باناي باودر تحت العين ،، و اوزع البودره بـ اسفنجه ناشفه ،، وابدأ اشتغل ع مكياج العيون .
٤/ بعد ما انتهي من مكياج العيون ،، ازيل الباقي من البودره بـ فرشه سيفورا رقمها ٧٤ .
٥/ اخر خطوه استخدم بودره ديور سكين نيود درجه روز ٠٠١ ، و استخدمها عشان
تكسر للون البناي بودره لانه مرره يبين علي للون صفارها ومو مناسبني ، و طريقه استخدامها
نفس طريقه استخدام البناي باودر .
اخر خطوه بعد ما انتهي من كل مكياجي و اعتبر الخطوه مررره مهمه
ابخ من بخاخ فكس من ماك ع كامل الوجه ، هـ الطريقه تسوي تجانس عجييب .
انتهى ..
و ان شاء الله تكونو استفدتو من طريقتي وماتكون معلوماتي سبق وقريتوها :)
