السلام عليكم
نبذه بسيطه عن ماري هيلين ❤️ مؤسسه دار روزين للعطور
ولدت ماري هيلين بين عائله لها تاريخ في صناعه العطور ، و جد ماري انتج عطر لنابليون الثالث ، ماري من يوم هي صغيره حبت العطور و عالم العطور و كانت مفتونه في زجاجات العطور وهالشي خلاها تنشئ شركتها الخاصه ، و تميزت ب انه لكل عطر تسويه له قصه حقيقيه ❤️
طبعاً انا اعشششق اعشق عطورها ، و احسها هي انسانه عفويه واحساسها عذب ، واحسها نبع ومثال للانوثه في صناعتها للعطور
و هـ الشي واضح لي من عطورها ، و عطورها ب اختصار خلاصه اندماج الطبيعه .
الجميل في عطورها و الي لفت انتباهي اول ماشفتها هو ،، تصميمها لقاروره العطور .. بسيط وللطيف و في علبته يجي كل عطر مغلف بورق الوانه مختلفه من عطر لثاني .. القيطان الي معلقه ع العطر جذبتني اكثررر ❤️ احس فيها فكره و توحي لي بمكونات العطر من للونها .
انشئ العطر عام ٢٠١٣ و انتج للعروس و انا اشوف انه للعروس الغير تقليديه ❤️
مكونات العطر :
العليا .. برغموت ، زهره البرتقال ، ليتشي .
قلب العطر .. ياسمين ، زهر البرتقال ، روز ، زهره البيونيا .
قاعده العطر .. الباتشولي ، عنبر ، و الارز ، و المسك ، خشب الصندل ، شوكولا ، فانيليا .
وصفي للعطر ... عطر جمييييييل اجمل شي ومررره يجننننن ❤️ بجددد يهبببل ❤️ ريحته فوحانها عجييييب ،
و اشوف انه عطر غير اعتيادي لانه فيه كميه فوحان غير طبيعيه مع انه عطر زهري و مو من عاده العطور الزهريه يكون فوحانها عالي جداً ، العطر مكوناته مرره مجنوونه وجمييله ، يعني زهره البرتقال الي تعرف ريحتها راح تميزها اول ماتبخ العطر و هي ريحتها كأنها ريحه قشر البرتقال بس ع حلاوه مو حامض ، بعده راح تلاحظين ريحه الياسمين و ريحتها واااااضحه و فواحه مع ريحه الورد
خاتمه العطر مرره فخمه وغير عن اول ما ترشي العطر
الخاتمه فخمه وتليق ب عروس ماتحب العطور الثقيله و الاعتياديه ، ريحه المسك والفانيلا مندمجين مع بعض خشب الصندل و الباتشولي و العنبر مسوين ريحه فخمه و رقيقه .
Ballerina N1
انشئ العطر في عام ٢٠١٤ ، و صنع للمرأه المليئه بالشباب
مكونات العطر :
العليا .. خوخ ، كمثرى ، برغموت .
قلب العطر .. روز ، بيونيا ، بنفسج ، توت .
قاعده العطر .. حليب ، فانيليا ، مسك ، خشب الصندل .
وصفي للعطر .. من اكثر عطور دار روزين الي تعجبت من مكوناته ، انصحك اول ماتبخينه لا تحكمين ع ريحته لانه كلها ربع ساعه و راح تتغير وتبرد و راح تلاحظين مراحل العطر الثلاثه بسهوووووله .. بالبدايه ريحته تكون مررره سويتي و فاكهيه وماتقدري تحددي ايش ريحه هـ الفاكهه الي تشمينها ، بعد ربع ساعه تقريبا راح تلاحظي ريحه خفيييفه من الروز ، و البنفسج و التوت بشكل واضح وجميييييييل ❤️ ، اخررر شي العطر فيه لمحه من العطور البودريه يعني احس كأنه من مكوناته بودره التلك ، ريحه الفانيليا مالها وجود ولا حسيت فيها ، فيه ريحه غريبه مع ريحه المسك اعتقدددد هي الحليب .. لمحه بسيططططه يعني لو ماتعرفي ايش مكونات العطر من المستحيل تميزين ريحته .
العطر ارشحه للصيف ، ثباته و فوحانه متوسط .
Ballerina N2
انشئ العطر عام ٢٠١٤ وهو اخر عطر انتجته الدار ❤️
و هو الاصدار الثاني من عطر باليرينا
مكونات العطر :
العليا .. البرغموت ، التوت ، زهر البرتقال .
قلب العطر .. روز ، ماغنوليا ، زهره البنفسج .
قاعده العطر .. خشب الصندل ، البتشول ، فانيليا ، عنبر .
وصفي للعطر ... عطر بسيط وللطيف و مكوناته واضحه مررره ❤️اول ماتبخينه ريحه التووت واضحه مع ريحه حامضه هاديه " ريحه البرغموت " ، دقايق بسيطه ويبرد العطر و الريحه الحامضه تخف بشكل ملحوظ و تبدئي تشمي ريحه فخمممممه و بارده ، انسجام جميل بين الفانيليا و البتشول و خشب الصندل ، ريحه العنبر ما لاحظتها .. خشب الصندل مسوي للعطر فخامه حلوه وبسيطه ... العطر احس يصلح لوحده تحب العطور الهاديه واللطيفه و تبحث عن عطر فخم يمشي مع ذوقها و بساطتها .. انصح فيه للشتاء ❤️
شكله جمييييل و فتنه ع التسريحه و يصلح گ هديه اذا الي حابه تهدينها تحب العطور الزهريه الفخمه ❤️
الفوحان جداً عالي گ عاده عطور دار روزين ، الثبات من متوسط الى اعلا .
Secrets de rose
هذا اكثر عطر غامض جربته في حياتي .. بالعاده قبل اتكلم عن العطر وقبل اقرا مكوناته لازم اشم العطر و اطلع مكوناته و كيف ريحته و اكتبها في ورقه .، الا ذا العطر ماقدرت اطلع الا المكونات العليه الي هي تشمينها اول ماتبخي العطر ، ولما برد العطر ريحته اختلفت اختلاف كبير عن اول بخه 👌
العطر انشئ عام ٢٠٠٩ و صنع للمرأه الغامضه والفاتنه
مكونات العطر :
العليا .. خووخ ، عرق سوس ، البرتقال المر ، الزعفران .
قلب العطر .. ماغنوليا ، يلانج ، روز نقي ، ياسمين ، بذور الكمون .
قاعده العطر .. خشب الصندل ، عنبر ، مسك ، و زهره اسمها labdanum .
وصفي للعطر ... اول مابخيت العطر شميت ريحه الخوخ وبعده ريحه زي ريحه قشر البرتقال و معاهم شي حلو اتوقع هو العرقسوس ، الزعفران له لمحه بسيطه في مراحل العطر كلها ،،
العطر ريحته فيها لمحه من العطور الفخمه القديمه و السبب وجود زهره الماغنوليا و اليلانج و هي موجوده ب اغلب العطور القديمه ، ريحه المسك و الياسمين مو واضحين مرره لانهم مندمجين اندماج غريب مع المكونات فا مسوين ريحه مجنونه غريبه ❤️ في خاتمه العطر و ع نهايه العطر تشمين ريحه ورد بس حامضه وحلوه .
العطر ريحته من الروائح الي مو متعودين عليها فا يصلح تتعطر فيه الي تحب تتميز و ماتحب الروائح المعتاده ❤️
العطر ثباته متوسط و فوحانه عااالي .
Rose Kashmirie
انشئ العطر عام ٢٠٠٧ .
مكونات العطر :
العليا .. زعفران ، برغموت ، كزبره .
قلب العطر .. زهره الفاوانيا ، زهره ابسولو .
قاعده العطر .. فانيليا ، ڤيتاڤير ، خشب الصندل ، صمغ جاوي .
هذا العطر من اثقل عطور دار روزين ، و ريحته مررره مررررره تشبه للعطور القديمه بس ع اجمل ، اول ماتبخي العطر راح تشمي ريحه بودريه عطره ، مع انه مو من مكوناته بودره تلك ، لكن واضحه الريحه من اول بخه ، بعده ريحه الزعفران جداً واضحه وناعمه مع ريحه ازهار ، بعد كذا راح تلاحظي ريحه الفانيليا مرره حلووه مع ريحه فخمه ثقيله تذكرني بعطور العود بشكل خفيييف و اعتقد السبب هو خشب الصندل ، ريحه هالعطر غير اعتياديه وجداً مميز .
فيه شي لفت انتباهي في العطر من القيطان الي في الغطا ،، اللوانها اول ماشفتها ذكرتني ب الهند " اخضر & احمر & اصفر " .
بعد ماعرفت اسم العطر " روز كاشمير " فسرت انه الالوان معناتها .. الاخضر يدل ع كشمير لانها معروفه بجمال اراضيها و خضارها ، اللون الاحمر و الاصفر ذكرني بالزعفران .
Glam Rose
اجممممل عطر احبه من المجموعه احس كأنه انا الي سويته و ريحته مرره لابقه علي ،، العطر انثوووي و ناااعم ويصلح لكل الاوقات صبح لليل شتاء صيف و ريحته احسها سيمفونيه ،، مناسب گ هديه لانه ريحته واضحه و غير معقده وسهل تعرفين اذا يناسب الي بتهدينها او لا ..
العطر انشئ عام ٢٠١١ و صنع للمرأه الي تحب يكون لها تفرد و اختلاف مع لمسه من الجرأه الغير متكلفه و الانثويه
مكونات العطر :
العليا .. فلفل ، بذور الامبريت << الي اعرفه انه ريحته مسك طبيعي وبديل للمسك الحيواني , و اوراق عنب الثعلب.
قلب العطر .. ورد ، بنفسج , ياسمين ، ليتشي .
قاعده العطر .. خشب الأرز ، توت العليق ، مسك .
وصفي للعطر .... ريحه العطر ب اختصار ورد ب ورد و ريحه تووووووت و اضحه منسجمه مع المسك و الياسمين بشكل خفييييف ❤️ العطر لما يبرد ريحته تذكرني ب روج و بلاشر معطرين ب روز و تووت ❤️العطر مع انه فاكهي الا انه غير عن العطور الي مكوناتها فواكه لانه غالباً هـ العطور تكون خفيفه و منعشه بالغالب ،، اما هذا ريحته بارده وفخمه وبنفس الوقت خفييفه ، الي يحبون العطور الزهريه و المسك و العطور البودريه راح يعجبهم هـ العطر .
العطر ثباته متوسط و فوحانه متوسط ❤️
Une Folie De Rose
انشئ العطر عام ٢٠٠٤ ، و صنع للمرأه الانيقه
مكونات العطر :
العليا .. برغموت ، كزبره .
قلب العطر .. يلانج << زهره فاخره موجوده في اغلب العطور الفخمه والغاليه ، ياسمين ، زهره الشاي ، الروز التركي .
قاعده العطر .. خشب الصندل ، الباتشولي ، ڤيتاڤير << عشبه هنديه .
وصفي للعطر .... عطر فخم وللطيف وناعم ، مع انه ريحته فواحه و شتويه الا انه نااااعم مرره ، و بكل مراحل العطر اشم ريحه صابون مدري ليه ❤️ ، اول ما بخيت العطر شميت ريحه حامضه منعششششه ولمحت ريحه الكزبره وكانت لمحه سريعه ما راح تلاحظونها بسهووله ابداً << فرحانه اني شميتها وميزتها
لما يبرد العطر ، اشم ريحه روز و ريحه كأنها عود بس مو عود << اكيد تعرفون هالريحه ، بسبب الباتشولي و خشب الصندل فا تكون ريحه العطر مره فخمه ومميزه .
العطر ثباته عالي ، و فوحانه عالي ❤️
الي تحب العطور الفخمه و الناعمه هذا راح يناسبها ❤️
La Rose De Rosine
انشئ العطر عام ١٩٩١
مكونات العطر :
العليا .. الإينلغ ، زهره البنفسج ، مخمليه << زهره .
قلب العطر .. عطر الروز ، ياسمين ، زهره السوسن .
قاعده العطر .. بذور تونكا ، زهره بينزوين ، زهره البلسم .
وصفي للعطر .. هو اخر عطر من مجموعه عطور دار روزين الي راح اتكلم عنها و هو كمان اجممممممل و احب عطر ع قلبي في مجموعه دار روزين يعني مسك الختام ، جدداً اعشق هـ العطر و اموووت في ريحته وهو اول عطر استخدمته من دار روزين قبل كم سنه .
الي تثق في ذوقي و في اختياري من العطور و الي تدور ع عطر بودري تاخذ هـ العطر وهي مغمضه و لايفووتكم .
العطر ريحته اول ماتبخينه ريحه صابون و ريحه ورد و ريحه بودره ❤️❤️❤️ ب اختصار نظافه و انووووثه ، بعد نص ساعه ريحه العطر تبرد و تسير بودره ع خليط من الازهار الناعمه و الروز .
ارشح استخدامه لكل الاوقات وكل المواسم .. في المناسبات استخدمه مع عطور العود اول ابخ من العود و بعدين ابخ من العطر ❤️ يغير ريحه العود بشكل انثوي وناعم .
العطر ثباته متوسط و فواحانه عااالي
انتهى ..
