الحمام المغربي

طريقتي في الحمام المغربي 

" بالبدايه وقبل اي شي .. هاذي الطريقه الصحيحه للحمام المغربي في المغرب ماعدا ماسك السدر من عندي ، و ترا مايستخدمون حنه بيضه ولا خضرا ولا يستخدمون عكر فاسي او مدري ايش يسمونه "

زي مو موضح فوق بالصوره .. اجهز كل شي في صحون بلاستيك 

و عشان تسوين حمام مغربي ضروري يكون عندك :

١/ ليفه مغربيه من الصيدليه .

٢/ صابون مغربي من الصيدليه او نزيه .

٣/ سدر مطحون .

٤/ ورد ناشف .

٥/ زبادي منتهي تاريخه .

٣ & ٤ & ٥ 

غير ضروريه بس يفضل .

الطريقه :

جسمك يكون نظيف " يعني قبل ماتكوني حاطه في جسمك زبده او زيت او اي شي من كذا .

بالبدايه تجلسي في حمام بخار مده ١٥ دقيقه ... اذا ماعندك حمام بخار ... عبي بانيو الحمام مويه حاره تقدري تتحمليها و اتنقعي في المويه لمده ١٥ دقيقه .

بعد ال ١٥ دقيقه واذا حسيتي جسمك سار حار ، ابدئي وزعي الصابون المغربي ع جسمك ، وانتظري مده ٥ دقايق بدون ماتغسليه ولا شي ،، بس استمري في توزيعه وتحريكه ع جسمك .

بعد كذا غسلي جسمك من الصابون وتأكدي انه ماله اثر في جسمك و راح تماماً .

غسلي الليفه المغربي ب مويه حاره و ابدئي بدعك جسمك من اسفل الجسم الى فوق بشكل دائري .

ولا تدعكي ب قوه :( 

اذا خلصتي من كامل الجسم غسلي ب المويه جسمك ب الكامل " مويه بارده " 

بعد ماتخلصي استحمام سوي ماسك السدر .

وهو 

٣ ملاعق سدر مطحون 

و علبه زبادي 

واخلطيهم مع بعض و وزعيهم ع كامل الجسم 

وخليهم الين ينشف تقريبا ٢٠ دقيقه .

" من قبل تبدئي الحمام المغربي ،  نقعي ورد ناشف في مويه حاره .. و عبال ماتخلصي الحمام تكون مويه الورد بردت ،، فا اخر خطوه غسلي فيه جسمك .

بعد ماخلصتي رطبي جسمك ب زيت او كريم طبي .. 

الحمام المغربي يستخدم مره وحده ب الشهر .

بالصوره فوق .. افضل صابون مغربي استخدمته .

من اليمين موروكان اويل من محل نزيه ،،، حجمه مرره كبير وسعره ٢٥ ريال .

الي بعده 

مراكش المناره ارووووووع صابون مغربي جربته يجنننننننن وافضل من حق نزيه ،، ريحته طبيعه و عاجبتني مرررره 

سعره ٢٥ ريال من محل في مكه ناسيه اسمه :(

..

طريقه تنظيف البشره

" طريقه تنظيف البشره "

الادوات المستخدمه :

١/ غسول للبشره " استخدمي غسولك اليومي والنوع الي يناسب بشرتك ".

٢/ مقشر للوجه " استخدمي النوع الي يناسبك ومتعوده عليه ".

٣/ لاصقات بيوريه " لصقه مخصصه ل ازاله الرؤس السودا ومتوفره بالصيدليه" .

٤/ ابره الرؤس السودا " اداه ل ازاله الرؤس السودا متوفره في بودي شوب والصيدليات ".

٥/ مسحه طبيه " للتعقيم ".

٦/ ماسك للبشره " استخدمي الي انتي متعوده عليه " .

٧/ سيروم او اويل " المهم تستخدمي شي مفيد للبشره " .

٨/ مويه حاره او جهاز بخار " مع اعشاب زي الاڤندر او البانوج ومو ضروري اذا ماعندك " .

٩/ مرايه .

بالصوره " احط كل شي قدامي واتأكد انه كل الي ابغاه قدامي "

الطريقه :

١/ تغسلي وجهك بالغسول ، وتستخدمي بعده المقشر .

٢/ تستخدمي لصقات بيوريه " طريقه استخدامها موجوده في العلبه " .

٣/ في وعاء تحطين المويه الحاره والاعشاب " استخدم الاڤندر لانه مهديه واحب ريحتها " توجهين فيسك ع بخار المويه ، وتستمرين لمده ٥ دقايق او الين تحسين منطقه الانف عندك سارت دافييه .

٤/ اذا المنطقه سارت جاهزه .. تجهزي الابره وتعقميها ب المسحه الطبيه .. بعد ماعقمتيها وقدامك المرايه .. ركزي ع الرؤس السودا و راح تشوفينها واضحه ع الانف و زوايا الانف .. عند الازاله تركزي ع نقطه نقطه عشان لاتتضرر المسام .. تستخدمي الراس الكبير من الابره " هي تجي جهتين انتي استخدمي الاكبر " 

تبدئين تضغطين ع الرؤس السودا من فوق ل اسفل بطريقه عاموديه " يعني الابره تكون واقفه مو مايله ، وتضغطين من فوق ل تحت "

لا تضغطي بقوه لا بخفيف .. و اذا عرضتي وجهك للبخار بشكل تماااام الازاله راح تكون اسهل و افضل للمسام .

لاتنسي اركان الانف في اليمين واليسار ..

اذا ماطلع شي ارجعي عيدي بنفس الطريقه بس بدون ضغط لا انزلي من فوق ل تحت .. ماطلع شي ... ارجعي و اتعرضي للبخار . 

" اذا ماتحبين تشيلي ب الابره او تخافي او او ... استخدمي المناديل ، لفيه ع اصباعك واضغطي يمين ويسار الرووس السودا "

اهم نقطه تشتغلي بسرررعه .

٥/ بعد ماخلصتي تنظيف ، تمسحين بسرررررعه انفك ب المسحه الطبيه ولاتكرري ع المنطقه .

٦/ تمرري ع وجهك ثلجه ، ومو بسرعه لا لين تطفشي ههههه ، لانه هي خطووووه مهمه لتقفيل المسام .

٧/ استخدمي الماسك المفضل عندك .. وانتبهي لايكون فيه مكونات مهيجه للبشره .

٨/ اخر خطووووه استخدمي السيروم " بالنسبه لي استخدم زيت نوكس ، و اذا حسيت بشرتي محمره استخدم مرهم بيبانثين" .

...

التنظيف كل ٣ اشهر ، ويختلف من شخص ل اخر .

الي بشرتهم دهنيه هم اكثر بشره معرضه للرؤس السودا .

ارواج شانيل

مساء النور :)


امس خيرتكم بين اني اتكلم عن .. يا ... الارواج او الشادوهات ..

والاغلب في الاختيار كان عن الارواج 

راح اتكلم عن ارواج شانيل وتجربتي ... و ان شاء الله ب يعجبكم البوست جميعا "خاصه" البنات الي مايحبو يشترو اي شي من الهاي براند الا اذا شافو عليه تجارب .



ارواج شانيل اكثر من نوع ..

الي متوفره عندي هي :

Rouge Allure 

&


 Coco Shine


....

Rouge Allure 

من اجمل ارواج شانيل ومن اكثر ارواج الهاي براند جوده عن تجرربه " روج الور " ، الي بتجربه راح تحبه من ناحيه الاستخدام جداا سهل و للونه واضح ومايحتاج له تكرار ، قوامه مميز و مثالي يعني يتوزع في الشفايف من اول مسحه ولا يخرج من الحدود وهذا الي يميزه لانه نادر الارواج يجتمع فيها هـ الشيئين .

يعطي ترطيب للشفايف مرررره حلو ، يعني حتى لو اللون راح بس تحسي فيه ترطيب في شفايفك وكأنه فيه روج .

الروج كريمي بس يعطي للوك اقرب لل المطفي .. مو مات لا فيه لمعه بس ع اخفففف ويعتبر حلو مقارنه ب انه الروج كريمي .

عبوته تعتبر ذكيه ولها تصميمها الخاص .

الوانه اجممممل شي ب الحياه ... بجد دايم احتتااار و الوانه متدرجه وقريبه من بعض 

ب الصوره سواتش ل الالوان الي عندي .. نص يومي راح وانا احاول ابرز الوانه ع طبيعتها :( 

بعضها ليمتد بس مو عارفه اي للون ب الضبط .

الروج ثباته من متوسط الى اقل من العالي :) يعني اذا ما اكلتي او ما مررتي عليه اي شي راح يثبببت .


عيب الروج الوحيد والي بجد يقهر .. انه لو فتحتي اكثر من روج ب وقت واحد ممكن تتلخبطين في ارقامهم .. لانه الارقام مثبه ع العبوه الخارجيه مو بنفس الروج زي مو متعودين .

وبسبب هالشي اليوم ما سويت سواتش لكم روج باقين من المجموعه :( 

Coco Shine

النوع الثاني من ارواج شانيل هو " كوكو شاين " ، احب هـ الروج للاستخدام اليومي وغير كذا لا ، ممكن البعض ما راح يحبونه .

الروج خفيف وناعم مرررره الوانه خفيفه وكآنه جلوس ما كأنه روج ، اعتبر الروج كأنه مرطب شفايف بس ب الوان متعدده وترطيب عاااااالي جدا .

ب النسبه لي احبه و اكثر من مره اخلص درجاتي الي عندي واشتري غيرها .

وهذا سواتش ل الالوان الي عندي .. فيه غيرهم للون احمر يجننن و هو اكثر للون احبه ، بس نسيت اصوره :(

ثباتها متوسط .. لو راح الروج يبين اثر خفيف لل اللون خاصه لو كان احمر 

عيب الروج الوحيد انه يخلص بسرعه .

ايجابيات مرتبطه في ارواج شانيل 

الترطيب العالي و ريحه الرووووووج الي تدوخ من جمالها .

سعر روج الور ١٦٠ ريال تقريبا 

سعر كوكو شاين ناسيه بس اقل .

متوفرين في اغلب محلات التجميل ... سيفورا & دبنهامز & باريس غاليري .

جهاز كلاريسونيك لتنظيف البشره

جهاز كلاريسونيك

الجهاز مخصص لتنظيف البشره وشدها و ازاله الدهون عنها ..

الجهاز يتوفر منه انواع ... و جهازي نوعه بلس

مميزاته :

فيه ٣ سرعات ، يعطيكي اشاره صوتيه عشان تنتقلي من مكان ل ثاني ، و اهم ميزه في نوع " البلس "
انها تصلح كمان للجسم وتجي معاها فرشه للجسم وتستبدل كل ٣ شهور .


الجهاز من اروع الاجهزه الي ممكن تستخدمينها ، انصح فيه الكل " خاصه " الي تستخدم مكياج بشكل يومي ، لانه لو جربتيها بعد ازاله المكياج ب المزيل راح تتفاجئين ب كميه المكياج الي راح تطلع وتبين معاكي في الفرشه .

تستخدم مع الغسول ومع المقشر .

راح تلاحظين اشياء ايجابيه من اول اسبوع بعد الاستخدام  ..  اهمها نعوووومه بشرتك و القشور الي تتكون راح تختفي تماما ، راح تلاحظين بشرتك تمتص الكريمات والسيرومات بسرعه وتستجيب لها .


الجهاز ضد الماء  ..
يتوفر منه اكثر من ٣ انواع فرش ولكل نوع بشره لها فرشه مخصصه .

الجهاز ينشحن بشاحن كهربائي .

عيب الجهاز الوحيد .. الفرش تستبدل كل ٣ شهور .

متوفر في فروع سيفورا الرئيسيه ب المملكه .

انواع العطور

(( السلام عليكم )) 

لاحظت الاغلب مايعرفو يفرقو بين انواع العطور يعني لما اقول نوع العطر ماء التواليت و ريحته اجمل من ماء العطر الاغلب يستغرب << كيف كذا 

 فا عشان كذا راح اتكلم عن العطور بشكل مفصل و عن انواعها ❤ عشان لما اتكلم معاكم عن العطور تكونو معاي ع الخط .

 تنقسم أنواع العطور إلى عدّة أقسام، وهي : العطر، ماء العطر، ماء التواليت، الكولونيا، الزيوت الأساسيّة، والعطر الصّلب. وكي تختاري العطر الملائم لكِ، ينبغي أن تتمتّعي بخبرة في مجال العطور، لتمكّنكِ من شراء ما يُناسبكِ. إليكِ شرحاً مبسّطاً لأهمّ أنواع العطور وخواصّ كلّ منها.

 العطر :Perfume

هو الشكل الأغلى ثمناً، والذي يدوم لمدّة أطول من الروائح الأخرى، ويحتوي على أكبر نسبة من زيت العطر عادة، ما بين 20 إلى 25 %. ويأتي العطر في العادة في عبوات صغيرة، ومن المفترض أن يُوضع برفق، إذ يُمكن لقطرة واحدة أو قطرتين فقط أن تُبقيا رائحتكِ زكيّة لمدّة تتراوح ما بين 8 إلى 12 ساعة . . . الي بالصوره كلهم عطر " بارفيوم ". طبعاً روائحهم مرره مررررره فواحه وقطره منهم تكفي كل الي حولك يشمو ريحتها .. وماتخلص بسرعه ابدااا .

. . من اليمين كوكو مادموزيل بس انه بخاخ وبالقوه لقيت هالنوع لانه العاده يكون سائل وتمسحينه ع ايدك و ع اماكن النبض ... حبيت البخاخ مرره ابخ منه بخه وحده من بعيد وعادي جداً الريحه تجلس لليوم الثاني . . الي بعده شانيل نمبر 5 .. عشقي عالعطر وعندي غير هـ القاروره ومفتوحه واتعطر منها بشكل يومي يا لحالها او اخلط معاها عطور 😍👌 . . اخر شي الثلاث كلهم من جيرلان اول واحد انسولانس ما احب اتعطر فيه بس احب اشم ريحته .. والي بعده شاليمار و لانستان واعششق هالعطر ب انواعه  . . ..

ماء العطر :Eau de Parfum

أحد أكثر الأشكال شيوعاً، ويأتي في العادة على شكل بخّاخ، ويحتوي على ما بين 15 إلى 18 % من زيت العطر، ويدوم لمدّة ست إلى ثماني ساعات على الجلد.

.

.

اكثر انواع العطور انتشاراً،، وبصراحه مو شرط تكون ثابته زي مو موضح ب التعريف فوق 👆 يعتمد ع حسب البراند ويعتمد ع حسب الاجسام ،، فيه اجسام تتفاعل مع العطر ويكون العطر ثباته اكثر من الاجسام الثانيه .

بالصوره عطر شاليمار من جيرلان .. اروع واجمل العطور ومميزه ريحته و فوحانه عالي وكمان ثابت .

ماء التواليت :Eau de Toilette

أقلّ تكلفة وأقلّ تركيزاً من ماء العطر، مع نسبة زيت عطر تبلغ من 4 إلى 10 %. ويأتي الماء دائماً في زجاجة بخّاخ، وهو خيار جيّد للراغبين في الحصول على جرعة أخفّ من العطر.

العطور الي يكون نوعها ماء تواليت مرره تعجبني ، وتكون ريحته للطيفه وخفيفه وماتجلس كثير ، يادوب ساعتين .

وتصلح للاستخدام الصباحي ،، ومثلا اذا انتي تحبي عطر مس ديور البارفيوم وماتبغي تتعطري فيه بالصباح لانه مركز و ريحته قوي ،، خذي منه ماء التواليت .

الي ب الصوره سمسارا من جيرلان زي مو مكتوب ع تحت اسم العطر ب القاروره ماء تواليت ..

البارفيوم منه مررره مركز و ريحته وفوحانه جدا قوي ، اما هذا الي ب الصوره اخف لكن له ثباته وفوحانه .

انتهى ..