روتين عنايتي في فصل الشتاء

السلام عليكم 

الشتاء اجمممممل فصل عندي ولو انه ينغص علي وبشرتي تسير جافه :( 

هـ الفصل جدا مناسب للعنايه وعشان تشوفين نتايج استجابه بشرتك 

يعني الي عندها حبوب و حابه تمشي ع علاج .. افضل وقت تسوين فيه هـ العلاج هو في فصل الشتاء لانه 

يساعد ع جفاف الحبوب اكثرررر من اي فصل ثاني .

تقشير البشره في الصيف جدا غثيييييث و ع طول تحسي بحراره في وجهك .. بس اذا سوتيه بالشتاء مررره ما راح يتعبك .

عنايتي ببشرتي و وجسمي مرره بسيطه هالفتره 

بشرتي نوعها مختلط بس ب هالفتره تسيير جافه .

اول شي راح ابدء معاكم بالغسول .

غسولي الي استخدمه بالشتاء هو من سيتافيل مرره جميييييل وماينشف لي وجهي وينظف بشكل جميل 

الغسول له استخدمين

١/ اماا تنظيف جاف " يعني تدلكي الغسول ع وجهك وبعدين تشيلينه بقطن ومن دون ماتستخدمي المويه وتغسلي فيسك .

٢/ تستخدميه كـ اي غسول وهو الي انا ماشيه عليه .

وهو يا بنات كريمي للطيف ومايطلع رغوه ابدااااااا وكأنك جالسه تغسلين وجهك ب كريم .

انصح فيه مرره خاصه الي بشرتها جاااافه .

سعره اعتقد حول ال 70 ريال 

وموجود في كل الصيدليات 

مقشر VLCC

ب البابايا و الاناناس ❤️

قوامه كريمي وفيه حبيبات ناعمه ، يقشر البشره بشكل رائع ، ويخلييييها ناعمه ، ماجفف لي بشرتي ولا تحسست منه .

تحطين منه ع كامل الوجه وتخلينه شوي وتفركينه من وقت لوقت لمده دقيقتين " مع انه في العلبه كاتبين تتركينه لمده ٥ ل ٧ دقايق ، بس ماحبيت اخليه هالمده "

اخذته من الدانوب .. سعره ٢٥ ريال .

كريم QV 

اغلبكم تعرفون قد ايش احببببب هـ الكريم 

بجد بجد روووووووعه ومافي اجمل منه .. 

الكريم استخدمه لوجهي كل صباح بعد الغسول 

واستخدمه كمان ل ايدي .

الكريم ترطيبه مررره عالي يمتصه الجلد بسرعه ومايترك اي اثر .

كريم كيو ڤي مناسب لكل انواع البشره ، بس اتوقع الي بشرتها دهنيه ما راح تحبه .. لانه انا بشرتي مختلطه ولما استخدمه بالصيف لوجهي احس شويه حراره بوجهي .

والكريم خالي من بعض المواد الضاره .

الكريم مناسب لكل الجسم ويصلح كمان للاطفال .

سعره حول ال 50 

ومن سلبياته انه يخلص بسرعه .

" ل ايدي استخدم صابونه سيتافيل للجلد الجاف والحساس " نسيت اصورها :( " وما استخدم اي شي غيرها عشان لاتنشف ايدي و بعده ادهن بالكريم الي فوق "

اغلبكم تشتكون من السواد حول الفم الي سببه الجفااااف في الشتاء 

فا ضروووووررري قبل النوم تدهني بفازلين و اخرجي عن حدود الشفايف ،،، في الصباح و اول ماتقومي من النوم

ادهني بمرطب ترطيبه عالي ع شفايفك زي الي فووق وهو الي استخدمه من كيو ڤي ، مرره جميل وغير مزعج و يرطب الشفايف اكثر من 3 ساعات .

المرطب قوامه كريمي وللونه ابيض .

المرطب فيه مره تكلمت عنه وبعضكم اشتروه من الصيدليه وقلتولي انه في ريحه مو حلوه ،

المرطب مافيه ريحه مرررره و اذا حصل لكم هالشي رجعوه الصيدليه لانه دليل ع سوء التخزين .

سعره حول ال 30 رياال

ويجلس مده طويله 

نجي للجسسسسم 

للشاور تكلمت عنه في تدوينه سابقه .. تقدرو ترجعون لها ...

لانه تكلمت عن كل انواع الجل السائل للجسم اثناء الاستحمام .

للترطيب استخدم 

سيتافيل لوشن مرطب لاستعاده حيويه الجلد

اللوشن سائل يعطي لمعه خفيفه لما تدهني فيه جسمك ، ماتمتصه البشره بسرعه .

خالي من العطور ومافيه ريحه ابدا ، ترطيببببه عالي و احس كأنه كريم مخلوط بزبده .

للبشره شديده الجفاف لاتتوقعي انه مرره شي ساحر ،، لانه انا قريت عليه مدح مررره مو طبيعي 

ولما جربته كان حلو وماشي حاله بس مو وااو .

سعره ناسيه :(  بس اعتقد 70 ريال .

انتهى ...

طريقتي في رسم الحواجب و رأي في بعض المنتجات

السلام عليكم :)

بتكلم عن اهم نقطه في الميك اب وهي الحواجب .. طبعاً هي مهمه لانها تحدد شكل وجهك و ممكن اذا اعتمدتي بعض الرسمات لحواجبك تعطي مظهر انك اكبر في العمر .

و بصراحه هذا اكثر بوست اشوفكم متحمسين له و كل يوم تسئلوني عنه .. و صح اتأخرت عنكم بسبب بعض الظروف .

البوست راح يفيد المبتدئات اكثر و اتمنى يعجبكم :)

بالصوره هي كل منتجاتي للحواجب و طبيعه حواجبي ثقيله و عريضه وسط مو مررره  .

بالصوره فوووق اهمممم نقطه لازم تسوينها وتبدئي تطبقينها اليوم قبل بكرا اذا ماسبق لك وسوتيها .

استخدمي الكحل و خلي راس الكحل فوق عشان تقدري تحطي علامه ع الاماكن المحدده .

في العامود A تثبتي الكحل ع انفك زي مو موضح في الصوره وتحطي اشاره اعلا الانف من فوق لتحت ع بدايه الحاجب ، بعد ماتحطي الاشاره ، راح توضح لك بدايه حاجبك وفي هـ المنطقه تعتمدي ع الرسم الخفيف و المموه ، لو اعتمدتي الشكل المربع الي مفصل شكلك راح يسير شريره هههههه .

في العامود B تثبتي اسفل الكحل ع وسط شفتك السفليه وتمرري راس الكحل ع ركن الحاجب و زي مو واضح ع العامود بي ، راح يوضح لك بعد هـ الطريقه اذا ركن الحاجب صحيح او لا ، هـ المنطقه من اهم اهم مناطق الحاجب ضروري يكون مرفوع بالشكل المطلوب و البسيط و احذري انك تخلينه نازل لانه ع طووووول راح يبين عمرك اكثر و برضه انتبهي لاتبالغي فيه لانه لو بالغتي لا شعورياً الي راح يطالع فيكي يفكرك معصبه ^ ^ .

في العامود C ب ثبتي العامود في وسط الشفه العلويه و تمشي القلم ع طرف عينك وتحطي اشاره اخر حاجبك ، الاشاره هاذي لاتتعدينها في رسم الحاجب  ، و هـ المنطقه لاتعتمدي فيها ع الخطططط الدقيق ولا العريض مره ، خليه وسط :)

في رسم الحاجب ان كان بالقلم او جل ، انا اعتمد الطريقه الي فوق ،، رووووعه هـ الطريقه واتوقع الاغلب يعرفها .

اتوقع الصوره واضحه ومايحتاج لها شرح .

لكن راح ازيد عليها ...

الي تعتمد القلم في الرسم ولا تعرف غيره ،، حددي المناطق زي الي بالصوره وبعدين وزعي الي رسمتيه بالقلم ، ب فرشه مخصصه بالحواجب و يكون شعرها قصير ....

 هالطريقه تخلي مظهر الحاجب طبيعي وتصلح بعد لجل الحواجب .

بندخل الان في المنتجات الي استخدمها .

فرش الرسم هي للجل بس انا استخدمها كمان ل الاقلام زي ماذكرت فوق عشان اخفف من حدة اللون .

مو ضروري تاخذي شي غالي ،، الي بالصوره للونهم بني من ميك اب ديزاين و رائعيييين و اسعارهم رخيصه ،

الفضيه من كولكشن ريل تكنيك الاخير وممرررررره تجننننننننننننن .

الفرشه الاخيره من توفيسد و جات مع جل و لها راسين .

* باليت ايلف للحواجب 

فيه جهتين جهه جل ترسمين فيها اول .. و الجهه الثانيه بودره للتثبيت بعد ماترسمي بالجل .

يشبه لباليت بينفت بشكل كبير ...

 التعليب جداً سيئ ... وللاسف هو كان من اكثر الاشياء الي عندي عليه تسائل ليييه اخذ شهرره .....؟

مميزاته :

للون الجل فقط مناسب للاستخدام اليومي .

سلبياته :

ابدا ابدا مو ثااااابت يعني حقه اقل من ساعتين ويعتمد ع حسب المناخ :)

للون الجل يختلف اختلاف كلي عن البودره .

المنتج جاني هديه فا معرف كم سعره .

* جيرلان ECRIN SOURCLIS

باليت من جيرلان للحواجب فيه 3 اللوان و للون واحد اضائه جميله .

المنتج للاسف ليمتد .. وهو اول منتج من جيرلان تعببببت لين لقيته ، اول مانزل ع طووول خلص من اغلب المحلات زي سيفورا و وجوه .

الالون كلها بودريه .

تجي معاه فرشه صغنونه بس سبحان الله فيها بركه وحلوووووه وما توقعتها ب هـ الجوده .. وماصورتها لكم لانه ضاعت :(

فكرته انه تبدئين من اول الحاجب ب اللون البني الفاتح و وسط الحاجب بالبني الوسط و اخر الحاجب ب اغمق للون .

بس فكرته ما مشيت علي وحسيته يصلح للشقر اكثر من الواننا الشرق اوسطيه .

فا استخدم ل اول الحاجب البني الوسط و بعده ارسم بالغامق .

مميزاته :

تحكم تااام في اللون ، ومايخليكي تستهلكي كميه كبيره من البودره و يتوزع بسهوله ، و ثباته متوسط  .

سلبياته :

يتناثر و يعتمد الكميه ع حسب الفرشه و يتناثر اكثر اذا استخدمتيه بسرعه :(

سعره 200 وشي ويستاهل كل ريال :)

* تو فيسد BULLETEPIOOF

جل توفيسد للحواجب 

تعليبه مرررره رائع لانه جل

ولو ماكان ب هالشكل كان نشف 

بس هذا تعليبه رائع و ابداااا ابداا مانشف علي الجل .

معاه فرشه مره حلوه وعمليه وتحسينها فرشه من جد مو اي كلام .. و شكلها موجود ب اول صوره وهي الي فيها للون ذهبي .

مميزاته :

احبببببه بصراحه روووعه و ثاااااابت مررره مررره و استخدمه للمناسبات ومو كل يوم لانه الجل يخرب الحواجب ويطيح الشعر .

سلبياته :

تستهلكي كميه كبيييره منه ع الحاجب الواحد بشكل غير معقول بما انه جل والمفروض يكون العكس .

سعره حول ال 100 وال 150 ريال .

اقلام الحواجب المفضله عندي ،، 

 من فوق جيفينشي 

احبه و استخدامه سهل مرره

 و كـ عاده الاقلام يعتمد ع حسب ايدك في الرسم اذا تبينه خفيف او ثقيل.

الحلو فيه انه اذا حطيتي قليل مويه ع راس القلم يتحول لجل و تستخدميه ويسيررر ثاااابت .

الي بعده من ايف سان لوران ،،

هذا الحب الحب ،،، هو اول قلم  اعتمدته من زمااان لرسم حواجبي .

مميزات الاقلام :

تجي معاهم راس فرشه و ثباتهم عالي .

سلبيات الاقلام :

ينشفووون ولازم تبريهم اول ب اول .

* بينفت GIMME BROW 

مسكرا للحواجب فكرتها حلوه مرره بس مو لي ابدااااا 

المنتج حلو و رائع بس لل حواجبها سخيييفه و خفيفه راح يعطي الحاجب امتلاء من ناحيه الشكل و يخلي الشعره سميكه ..

الي حواجبها متينه راح يخلي شعر حواجبها منفووش وشكله غير انثوي << وصف دقيق ههههههه .

مميزاته :

زي ما ذكرت فوق حلو لل حواجبهم سخفيفه وخفيفه .

سلبياته :

سعره جدا مرتتتفع مقابل كميييته البسيطه .

الخطوه الي قبل الاخيره ومو اجباريه ..

هي تستخدمي مثبت للحاجب .

الي استخدمه هو من شركه دييغو دالا بالما 

هالشركه مكايجم تجنن وعمليه..

المنتج الي ب الصوره يثبت لي الحاجب و يخلي شعراته ماتتحرك و يثبت للون الحاجب .

و للونه شفاف بس مدري ليه فجئه سار كذا مايل للاخضر :(

سلبياته :

ضروري تكون ايدك خفيفه و توزيعينه بسرعه ولا راح يخرب لك ترتيبك و رسمتك ل حواجبك .

سعره ناسيته :(

اخر خطوه لرسم الحواجب 

هي الاضائه .

و احب استخدم هـ القلم من بينفت للاضائه ..  للونه طبيعي و حلو ومناسبني ... واستخدمه لكل يوم اذا حطيت مكياج ، اما للمناسبات اعتقد مايصلح لانه ثباته متوسط الى اقل . 

سعره ناسيته .

انتهى .... 

منقي الهواء Filtrete

منقي الهواء Filtrete من ساكو 

كل مره انزل صوره تسريحتي ، تقولون لي ماتطفشين من التنظيف طيب ماتتغبر ....؟

 بجد السرررر في هـ الجهاز 

من اروع الاجهزه المنزليه الي تواجدها بالمنزل مهم خاصه في بعض المناطق زي الرياض :(

هو يزيل تلوث الهواء وينقي الجو من الشوائب و يرطب الجو بشكل للطيف .

اكثر شي يفيدني انه يخفف تراكم الغبار ع الارفف و البترينه او اي سطح و عن الاثاث .

مفيد اكثر اذا جا في الجو غبار ع طول اشغله ع السرعه الثالثه <<< روعه لل عندهم اطفال عشان يتجنبو نقطه ازمات الغبار الي بالرياض .

مفيد لل في منزلهم مدخن .. او الي عندهم حيونات اليفه لانها تزيل وبرهم من الجو .

تتحكمي في الجاهز من الدائره الي في الصوره ... فيه ٣ سرعات وتتحكمي فيها زي ماتبغي ع حسب ضروفك ، الجهاز يعتبر حجمه مناسب و وزنه خفيف .

فيه فلتر يتبدل كل ٦ اشهر .

اخذته من ساكو .. و سعره ناسيته ،

 بس بحساب ساكو سعر جهازين  ب ٩٩٩ ريال 

عيبه الوحيدددد .. انه في فتحات من فوق وسيعه ، ممكن الي عندها اطفال يدخلون فيه اي شي .

SHOWER GEL .. جل الاستحمام

صباح النور 

بالصوره اكثر شاور جل استخدمه خاصه كوتاج والي يتابعوني يعرفون قد ايش احبه ..

 اعشششقهم كلهم روائحهم تجننن وثباتهم حلو .

اول شي الشاور جل العطريه ... ما استخدمهم الا في المناسبات او كل اسبوع مررره وحده .

.. الي راح اتكلم عنهم اسفل آمنه وماشفت منهم اي سواد او اي ضرر ..

ديور بويزن شاور جل 

عطر بويزن غني عن التعريف و اتوقع الكل يعرف ريحته .. طبعا ريحته مميزه و خياليه وجمييييله 

الشاور جل ريحته اخف من العطر بشوي .. وهذا طبيعي 

استخدمه من ٣ سنين تقريبا يعني هاذي العلبه المدري كم هههههه

..  اخذه من وجوه وسعره اعتقد ٢٠٠ وشي

ريحته ثاااابته ثااابته بعد الشاور .. بجدد ما ابالغ كأني متعطره ب نفس العطر .

حدها كم ساعه و تروح " و كا طبيعه الشاور جل المعطر مايجلس يوم كامل بس هذا بطل مقارنه ب نسبه ثباته الي شفتها "

 ..

 ماشفت منه اي ضرر واستخدمه مره ب الاسبوع ومو اكثثثثر .

لورينزو فيلوريسي تون دينيج شاور جل 

متابعاتي تعرفون قد ايش احب عطر تون دينيج ، و وصفته لكم ب الانستقرام 

تخيلو ريحته ع شاور جل :(

شي يجننن وللطيف و ريحته ناعمه ومتناسقه .

ثباته حللوو وكأنك بعد الشاور حاطه بودره ع جسمك 

البودي شاور من بوتيك لاودوريه هارفي نيكلز الرياض 

الشاور جل جا مع طقم كامل للعطر .

لوكستيان روز شاور جل

ريحته ورد اقرب ل ماء الورد .. استخدم الطقم كامل من فتره طووويله 

وجدا رهيييبه وماتحسست منها و للطيفه ع الجسم .

فوحانه عالي ثباته من متوسط الى اقل .. بس طفشت من ريحته خاصه انها ريحته اعتياديه 

مافيه اي ابتكار .

مستقبلا ممكن ارجع لها :)

الي ب الصوره سعره ٤٥ ريال اعتقددد و من لوكستيان ستارز افينيو جده 

كوتاج شاور جل 

هو شاور جل و باث ميلك 

كلمه باث ميلك لحالها تخليني اعشق اي منتج مكتوب عليه هـ الكلمه 

المنتج عضوي واستخدمه بشكل يومي الحمدلله مايسبب جفاف ولا تهيج ولا اي شي سلبي .

ريحته ب البنفسج .. الريحه غيييير طبيعيه ، تجننننن وناعمه وللطيفه .

ب النسبه لي هـ المنتج نمبر ون في استحمامي .

من صيدليه وايتس .. اعتتقد سعره ٤٩ ريال مو متأكده :)

تري هت شاور واش بالمانجو 

بالعاده انا ما احب روائح الفواكه في اي كريم او شاور جل .. الخ 

بس هذا غير :( ريحته للذيذذذذه وتجنن .. مدري كيف اوصفها 

نفس المانجا بس ع اخف ، 

تركيبته للطيفه وماجفف لي جسمي :) .

استخدمه ب الاسبوع ممكن ٣ مرات و مو اكثر .

ريحته ثباتها من متوسط الى اقل .

البودي شاور من مؤسسه حدائق جمالك 

وهذا حسابهم ب الانستقرام 

@YB.PARK

شادوهات ... مارك جاكوبس & اوربان ديكاي & توفيسد

مرحبا ..

اخيراً بتكلم عن الشادوهات ..<< لي كم يوم اقول اليوم بتكلم و اتكاسل :(

من اساسيات المكياج المثالي هو الشادو ..

 طبعا مو لازم يكون واااضح انك حاطه شادو او مسويه كامل عيونك ..لا 

 اساسيات الالوان الي اشوفها ضرووووريه لكل بنت 

هو اللون البني المات لكسره الجفن ،، وشادو اضائه تستخدميه ل مدمع العين و لتحت الحاجب .

اذا استخدمتي الشادو البني ع كسره الجفن ودمجتيه وكان للونه مناسب لكي راح يطلع جمييييل ويحلي العيون ..

الاضائه ضروريه تحت الحاجب تعطي شكل مرفوع للحاجب .

.

.

نتكلم عن الشادوهات الي عندي 

بالبدايه ،،،، اذا تبغي ثبات عالي ضروري تستخدمي برايمر اوربان ديكاي ، يثبت الظل من قلببب ويخلي للونه واضح ، وهو افضل برايمر جربته ..

ومتوفر في سيفورا .

مارك جاكوبس 

الوان شادوهات مارك جاكوبس بشكل عام ثباتها متوسط الوانها واضحه ومتنوعه دمج الوانه ممكن المبتدئات يشوفونه صعب ، وللاسف تتناثر :(

الدرجات الي عندي مع سواتش من النت .

202 THE TEASE

اجمل باليت عندي مرره اعششقه واعشق الوانه .

204 THE STARLET 

احس اني اتورطت فيه الوانه ابد ماناسبتني 

102 THE INGENUE 

حلو ك اضائه 

.....

اوربان ديكاي 

من اروع الشادوهات ، ثابته و الوانه واضحه واستخدمها و دمجها مررررره سهل ويصلح للمبتدئات ومايتناثر ابدد .

الي عندي باليت نيكيد 1 و نيكيد 3 

ومررره اعشقهم و اعشق الوانهم .

NAKED 1

NAKED 3 

....

توفيسد 

شادوهاتتهم الوانها حلوه ومتنوعه واسعارهم روعه ،، بس جوده الباليت تختلف من شي ل ثاني .

PRETTY REBEL 

الباليت هذا جودته روووووعه والوانه واضحه وثابته من دون برايمر ،، ويختلف بشكل كبير عن باقي باليتات توفيسد خاصه اللون الاسود مررره فاحم للونه و ثابت .

^

^ 

الباليت هذا الوانه مرره خفيفه و ثباتها ضغيف وتصلح للمبتدئات .

.....