تجربتي مع ميلكي فوت لتقشير الاقدام

السلام عليكم 

كيفكم بنات 

اخيراً جربت مقشر الميلكي فوت

مع انه كنت متخوفه من تجربته 

لانه ما احب مظهر الجلد المقشر 

بس بعد ماتشجعت توكلت ع الله وجربتها

بتكلم عن المنتج شوي 

و التعليمات المتواجده عليه 

طريقه الاستخدام :

١/ يتم ارتداء جوارب الميلكي فوت بعد التنظيف وتجفيف القدمين جيداً .. يتم احكام الغلق عن طريق 

الشريط اللاصق المرفق ويتم الضغط برفق .

٢/ انقع قدميك في جوارب الميلكي فوت لمده ٦٠ دقيقه .. تتم ازاله الجوارب وغسل القدمين جيداً بالماء الدافيئ 

والصابون .. يتم تنشيف القدمين جيداً بالمنشفه .. لاتستخدم الجوارب اكثر من المده المحدده .

٣/ ستبدأ عمليه التقشير الطبيعي بعد ٣ ايام من الاستخدام .. وسوف تستمر عمليه التقشير ذاتياً لمده 

٧ ايام .

٤/اذا كان هناك اماكن في قدميك ما زال لم يتم تقشيرها .. فينصح بأستخدام الميلكي فوت مرة اخرى .

٥/ يتم التكرار حسب الحاجه ولكن ينصح بالتكرار خلال شهرين من الاستخدام الاول للميلكي فوت للحفاظ 

على بشره ناعمه مثاليه .

٦/ الرجاء عدم ازاله الجلد الميت بقوه عندما تبدا عملية التقشير حيث قد يؤدي الى تلف الجلد .. وينصح

بالقيام بنقع القدمين في الماء الفاتر لتحسين عملية التقشير .

الاحتياطات : 

* لا يمكن استخدامه للمرأه الحامل او الاطفال استخدام 

ميلكي فوت .

* لايمكن استخدامه لمرضى السكر .

* اذا كان لديك حساسيه بالجلد او جروح في قدميك او تقرحات ،، يرجى استشاره الطبيب قبل استخدام 

الميلكي فوت .

* يمكن اختبار حساسيه الجلد للمنتج بوضع كميه بسيطه من السائل على الكاحل .

* يجب تجنب استخدام المنتج على مساحه واسعه من الجسم او على جلد ملتهب .

|| حبيت انه جميع مكونات الميلكي فوت مكتوبه بالعربي

و بكل وضوح و اغلب مكوناته نباتيه ||

|| الجميل كمان انه مصرح من هيئه الدواء و الغذاء ||

اول سبب حمسني اني اجربه 

لانه احب رجولي تكون ناعمه مرره 

مع انه

الحمدلله ماعندي جلد ميت كثير لانه مهتمه برجولي 

و ع طول ارطبها بس اطمح للافضل .

بالبدايه طبقت جميع التعليمات في طريقه الاستخدام

و خاصه اختبار الحساسيه .

تم استخدام المنتج و حاولات قد ما اقدر اتأكد انه 

المنتج اتوزع ع كامل القدم خاصه بين الاصابع .

بعد ٣ ايام بدئت تظهر علامات التقشير 

وكانت زي مظهر الفقعات من الجلد الميت خفيييييفه 

وكل يوم يزيد التقشير .

و كعب الجلد كل ماله للونه يميل ع الابيض .

خلال ايام التقشير
 كل يوم قبل النوم انقع رجولي في مويه دافيه 

وبعده ادهن رجولي كريم مرطب و البس شراب .

لانه الجلد الميت كان مزعج اثناء النوم .

طبعاً تنقيع الرجول في مويه دافيه لاحظت انه يساعد كثير 

ع التقشير و ع ازاله القشور 

لانه خلال التنقيع يطيح الجلد الميت بالمويه .

عمليه التقشير جلست ١٠ ايام بالتمام 

و اليوم الـ ١١ رجولي 

زي رجول البيبي و جداً ناعمه 

يعني نعومه ماعمري لاحظتها مع اني مداومه ع تنظيف رجولي والعنايه فيها 

بس تجربه الميلكي فوت فريده من نوعها 

النعومه مستمره و لي تقريباً 

شهر من تجربه الميلكي فوت .

طبعاً مهتمه في رجولي زي قبل 

ادهن رجولي يومياً بكريم 

مرتين في اليوم 

وما امشي ع الرخام بدون شي في رجولي .

(( ترا كنت متوقعه انه ما يصلح لي بما انه رجولي مافيها 
اي جلد ميت ،، بس تمنيت لو اني مجربته من قبل 
لانه فعلاً فيه فرق واااضح ))

انصحكم في التجربه ..؟ 

اكيد انصحكم بتجربه المنتج و راح تحسون بالفررق وما يقارن بـ اي تجربه ثانيه كـ البودي كير .

و لاتنسو العنايه اليوميه بالقدم .

المنتج متوفر في صيدليه النهدي 

سعره اعتقد ١٢٠ ريال .

مجموعة ديور dior skin for ever

السلام عليكم 

كيفكم بنات 

اليوم بتكلم عن تجربتي مع مجموعه 

ديور سكين فور ايفر 

. ، .

المنتج الاول 

dior skin for ever  & ever wear 

base de teint 

برايمر للونه وردي فااتح جداً 

قوامه سائل وخفيف " يرج المنتج قبل الاستخدام "

بعد توزيعه ع البشره للونه يسير شفاف 

يعطي اناره للبشره ونعومه و اكثر شي عجبني 

انه يساعد على ثبات الاساس لـ اطول مده ممكنه 

و يغطي المسام بنسبه ٥٠٪ 

و يرطب ترطيب ممتاز .

فيه نسبه ٢٠ حمايه من اشعه الشمس 

هالبرايمر ما استغني عنه من اول استخدام .

المنتج الثاني 

'Diorskin Forever'

 Perfect Makeup Everlasting Wear Pore Refining Effect Foundation 

اكيد اغلبكم يعرف هـ الاساس 

لكن الي بالصوره الاصدار الجديد 

و يختلف اختلاف تام عن القديم 

يعني هذي النسخه الجديده تطورت للافضل 

الاساس يعطي مظهر ماات 

من ناحيه التغطيه فا هي من متوسطه الى تغطيه عاليه 

وبالنسبه لي بما انه ماعندي عيوب كثيره الحمدلله 

يعطيني تغطيه عاليه .

ملمسه ع البشره ناعم مرره ومايتكتل ابداً 

ضروري توزعينه ع طول لانه ينشف بسرعه و يتحول لـ قوام ثقيل .

ثابت ثبات عالي جداً و اكثر من اي اساس ثاني جربته 

يصلح للمناسبات 

وفيه نسبه ٣٥ من اشعه الشمس 

المنتج الثالث

dior skin for ever  & ever control

loose powder 

اخر منتج من اجممممل المنتجات الي جربتها الفتره الاخيره

هي للوس باودر للونها شفاف و غير مرئي 

تعطي مظهر مات للبشره 

ناعمه جداً و ماتبين عيوب البشره اذا عندك قشور او 

جفاف في بعض المناطق ،، وبالعكس تبين البشره بمظهر 

صحي اكثر و طبيعي اكثر .

تعطي ثبات عالي جداً  للاساس

و جربتها مع اكثر من نوع اساس .

بعد ما اوزع الاساس و الكونسيلر 

استخدم فرشه كبيره و اخذ منها 

و اوزعها ع بشرتي بطبطه .

انتهى ..

منتجات ميك اب حبيتها و راح ارجع واشتريها ثاني

السلام عليكم 

كيفكم بنات 

اليوم راح اعرض لكم في هالتدوينه منتجات ميك اب حبيتها 

و راح ارجع و اشتريها ثاني .

" على فكره هالمنتجات تنطبق عليها من خلال تجربتي الوعود الي مكتوبه عليها "

skin flash

برايمر من ديور 

الاول من اليمين هو قلم له فرشه

 مصحح مو بمعنى كونسيلر لا 

يخفف من تعب البشره و يعطي اناره جميله للبشره 

من دون اي قليتر .

استخدمه مع الكونسيلر 

و مرات لحاله .

متوفر منه ٤ درجات 

استخدم الدرجه الورديه ١ 

والدرجه الثانيه ٢

الوردي احبه ينور بعض المناطق 

زي اعلا الشفه وتحت الحاجب وشوي ع الخد .

البرايمر الثاني 

هذا عشقي ، مره مررره احبه

و اكتشفت حبي له 

لانه هو الوحيد الي دايم استخدمه من بين كل البرايمرات 

الي عندي .

خفيف ع البشره ومايكتم ولا يضر البشره ، للونه وردي 

يعطي نضاره للبشره .

له طريقه ثانيه 

اذا حبيت اخفف من الاساس اخلطهم سوا 

ويعطو نتيحه جميييله .

هالحاجتين من فتره طويله استخدمهم 

وناسيه اسعارهم .

نجي للاساس 

من اليمين كابتل توتال 

من ديور ،، سبق واتكلمت عنه 

هنا

اساس ديور كابتشر توتال

الجميل يابنات انه كل مره استخدمه 

الكل يسئلني عنه ،، لانه فعلاً كأن بشرتي طبيعيه .

ادمنتتته للمناسبات و لكل يوووم .

الاساس الثاني 

الترا اتش دي من 

ميك اب فورايفر 

تكلمت عنه هنا 

اساس الترا HD

   

الكونسيلرات 

هايلاتر و كونسيلر ميبلين 

اول مره يعجبني شي من منتجات الدرق ستور 

الكونيسلر كريمي جداً خفيف وتغطيته اقل من متوسطه 

بس مظهره مرره طبيعي .

كونسيلر اربن ديكاي

كريمي جداً جداً 

تغطيته متوسطه ، يعطي مظهر طبيعي  .

الاثنين راح ارجع و اشتريهم 

اسعارهم الاثنين مرره مناسبه للكل 

ميبلين اعتقد ٤٢ ريال 

باليت ombre nudes 

من بيكا

من الشادوهات الي مستحييييل استغني عنها 

في كل اللوكات الي استخدمها 

و على كل الي اسوي لهم ميك اب .

جداً عجيب 

لايخطط و ثابت جداً من دون اي برايمر .

الجميل انه تدرجات البني كلها ع رمادي وهذا الي انه احبه 

خاصه لكسرة الجفن .

بما انه مو متوفر عندنا 

طلبته من موقع سيفورا عن طريق متجر الجوري .

كونتور مارك جاكوبس 

هذا اجمل منتج جربته للكونتور 

يجننننن من ثبات او اللوانه المناسبه للكونتور .

بودري ناااعم ويندمج بسرعه .

البودره الصفرا لتحت العين 

عجبني فيها انه ناسبت للون بشرتي 

لانه صفارها خفيييف .

متوفر منها ٣ درجات 

سعرها اعتقد ٢٤٠ ريال 

من سيفورا .

الاضائات 

اول اضائه من اليمين 

high beam 

من بينفت 

الاضائه هاذي شكلها غريب 

القليتر الي فيه صغييير مره ويعطي ايحاء 

لما تستخدمينه كأنه انعكاس اناره من دون مايكون مبين حجم القليتر 

الحلو فيه انه ما استخدمه فقط لوجهي 

استخدمه للساق و ثباتها عااالي .

للاستخدام ما اوزعه بالفرشه 

لا احطها ع ايدي و بعدين اوزعها بـ اسفنجه .

اهم شي ما اوزعها بالفرشه مباشره .

المنتج الثاني 

من ميك اب فورايفر 

pro sculpting duo

المنتج فيه هايلاتر و برونز 

البرونز للونه مايل ع البرتقالي طبعاً 

مرره جميل و يتوزع بسرعه وماتحتاجي كميه كبيره منه .

الاضائه ع وردي للونها 

ثباتها عالي نوعاً ما .

poudre lrisee , star powder

من ميك اب فورايفر 

اضائه منثوره 

هذا الشي كنز يابنات 

 يحول لك مكياجك اليومي لمكياج سهره 

يعطي فخامه للميك اب ،، طبعاً يستخدم للعين 

ثباتها فضيع من دون اي استخدم للبرايمر او اي انواع التثبيت .

من سيفورا و ناسيه سعرها .

شادوهات كولور بوب المضغوطه 

هالشادوهات جمييييله 

لكن ياابنات 

الالوان المات ابتعدو عنها لانه مو مره وااو 

و دمجها صعب و تطلع للون خفيف .

الواااو هي الي بقليتر ،، حلوه وثباتها متوسط 

لكن افضل تستخدمون الاصبع لمدها ع جفن العين 

او فرشه شعيرتها بلاستيك .

اسعارها جداً ممتازه .

من اليمين 

مارك جاكوبس 

highliner gel eyeliner 

استخدمه لداخل وخارج العين 

جداً احبه و استخدمه من سنتين 

ثابت و عيوني ماتتحس منه .

الي بعده من مارك جاكوبس 

جل للحواجب 

هذا الشي ما اقدر استغني عنه 

يساعدني في توزيع الجل او البودره .

فرشته حلوه لانها مو زي فرشه الماسكار 

لا زي القماش ولها شعيرات .

المنتجين الي فوق 

كل واحد سعره ١٠٠ ريال 

الي بعده 

ماسكاره الحواجب من بينفت 

سبق وتكلمت عنها .

احبها مره ، تعطي امتلاء للفراغات الي بين 

الشعر .

اخر شي بلاشر من

 جورجيو ارماني 

انا انسانه ما احب مظهر البلاشر الي واضح مره 

 و هـ البلاشر يعطي مظهر خجولي 

مدري كيف اوصف لكم 

بس من كثر ماهو طبيعي يعطي مظهر خجولي 

ما كأنه بلاشر 

رقمها ٣٠٦ 

من سيفورا فرع المملكه .

جلوسات تعطي توريد يدوم لساعات 

من اليمين 

سماش بوكس او جلوس 

عجيبب واحبه و استخدمه من زمان 

و صراحه ما اقدر استغني عنه .

يعطي للون وردي غامق ويثبت لساعات .

متوفر في فرع سيفورا المملكه 

الثاني 

مرطب الشفايف من ديور اديكت ليب جلو 

كل متابعاتي يعرفو قد ايش احببببه 

يعطي توريد خفيف للشفايف 

وترطيب عالي فيه حمايه من اشعه الشمس .

و على فكره للونه يختلف من وحده لثانيه 

لانه يتفاعل مع جميع انواع الشفايف .

الماسكارات 

من بعد هالمجموعه ما راح اجرب شي لفتره طويله 

من اليسار 

سيروم تكثيف الرموش من ديور 

مرطب ومعالج و يساعد على مواصله نمو الرموش .

الحلو فيه انه يعطي كل شعره كثافه 

ولو استخدمتي بعده اي ماسكارا عاديه مو للتكثيف 

راح تزيد كثافه الرموش مع هالسيروم .

يعيبه للون الابيض فقط .

الي بالنص 

ماسكارا 

 the falsies volum

من ميبلين 

هاذي اكثر ماسكارا لتكثيف الرموش عجبتني ،

مع اني استخدمت كثير ماسكارات للتكثيف 

بس ما اعجبتني .

اخر ماسكارا                        

maxi lash so volume 

من غيرلان 

احبها للاستخدام اليومي

تعطي سواد عجيب ،، و تعطي كثافه متوسطه .

انتهت التدوينه و يارب تكون عجبتكم 

تجربتي مع الليزر الكربوني " سبكترا "

السلام عليكم

كيفكم بنات

اليوم بتكلم عن تجربتي مع الليزر الكربوني 

الليزر الكربوني له فوائد كثيره منها :

* يجدد خلايا البشره .

* بزيل تصبغات الوجه و الأكواع و الركب والأبطين و مناطق اخرى في الجسم .

* يحفز الكولاجين و يعالج المسامات الواسعه .

الجهاز له درجات مختلفه وتحدد على حسب مشاكل البشره .

" الكلام منقول من حساب طبي "

تجربتي مع الليزر ..

حددت موعد عند العياده .. و رحت لهم ع الموعد متحمسه للتجربه 

اول خطوه هي ، توزيع سائل الكربون على الوجه و الانتظار ساعه كامله .. السائل للونه اسود و

رائحته عاديه و ما يسبب اي وخز في البشره او شي من هـ القبيل .

بعد الساعه نشف الكربون ،، و بدئت الدكتوره تسخدم لي الليزر ع وجهي من دون مخدر او اي 

شي .

للاسف نسيت اسئل كم الدرجه المستخدمه ،، بس اول ماجربته ع وجهي كان يلسع و يئلم مره 

سئلتني اذا اخفض الحراره فا قلت لها لا اتحمل :( 

تمرر الليزر على كامل الوجه ،، و في كل ضربه لليزر الكربون يختفي من البشره .

المده كامله للجلسه ماتتعدى ١٥ دقيقه .

بعد الانتهاء يوزع على البشره كريم عشان البشره لا تلتهب .

* النتيجه *

بعد الليزر و بنفس اليوم فيه احمرار بسيط جداً مع انه بشرتي مرره حساسه ،

بس الي يشوف بشرتي مايتوقع اني مسويه شي ابداً ، ومن ثاني يوم اختفى الاحمرار .

اليوم الثاني نعومه في البشره غير طبيعيه و البشره رويانه 

وكان في بشرتي قشور وبثور خفيفه في خدودي عذبتني ماتروح حتى مع المقشر و 

الحمدلله مع الليزر اختفت نهائياً .

كانت عندي حبوب سببها التهاب ، جداً خف احمرارها بعد الليزر .

و لاحظت من ثالث يوم نضاره في البشره جداً جميله و واضحه 

يعني مو نضاره شوي ، لا نضاره تلاحظينها ع بشرتك من دون ماتركزي

في بشرتك ، و الي حولك راح يلاحظون هالشي كمان .

المسام زي ماهي ما لاحظت اي تغير عليها .

سئلوني بنات في سناب شات اذا يشقر شعر الوجه ..؟ لا ابداً مايشقر الشعر 

وعموماً هو ماله اي تأثير على شعر الوجه .

للان لي اسبوعين ،، 

نضاره البشره استمرت لمده اسبوع تقريباً و بدئت

تختفي تدرجياً يعني شي مؤقت نتيجته .

نعومه البشره مستمره و البثور و قشور البشره ما رجعت لي الحمدلله .

راح اكرر التجربه مره ثانيه ..؟ 

اكيد ان شاء الله راح اكررها بس مو الان  ،، و انصح البنات يسونها قبل المناسبات بـ ثلاث ايام 

و بخصوص عدد الجلسات ، ممكن تكتفي بجلسه وحده اذا بشرتك مثاليه على حسب ما خبرتني الدكتوره .

ضروري بعدها ماتتعرضي للشمس الا وانتي مستخدمه 
واقي شمس للبشره .

سعر الجلسه ..؟

٨٠٠ ريال في المركز الي سويت عنده ،،  و على حسب ما اعرف انه الاسعار 

تبدأ من ٢٥٠ ريال للجلسه و يختلف من مركز لـ ثاني .

العياده ما راح اذكر اسمها لانه عندي ملاحظات عليهم جداً مزعجه .

انتهى ..